آءِ ايم ايف سان هڪ ارب ڊالر جي نئين قسط جي لاءِ ڳالهيون هلندڙ مهيني جي آخر ۾ ٿينديون.
پاڪستان ۽ عالمي مالياتي فنڊ(آءِ ايم ايف) جي وچ ۾ هڪ ارب ڊالر جي ٻئي قسط جي لاءِ ٻئي اقتصادي جائزي تي ڳالهيون هلندڙ مهيني(سيپٽمبر) جي آخري عشري ۾ شروع ٿينديون، جنهن جي لاءِ آءِ ايم ايف جو وفد 25 سيپٽمبر تي پاڪستان جي دوري تي ايندو.
ناڻي واري وزارت جي ذريعن جو چوڻ آهي ته عالمي مالياتي فنڊ(آءِ ايم ايف) سان ٻئي اقتصادي جائزه تي ڳالهين جون تياريون ڪيون پيون وڃن. گڏ ئي اقتصادي انگن اکرن کي حتمي شڪل ڏني پئي وڃي جيڪي جلد آءِ ايم ايف سان شيئر ڪيا ويندا.
ذريعن جو چوڻ آهي ته آءِ ايم ايف سان ٻئي اقتصادي جائزه تي ڳالهيون ڪاميابي سان مڪمل ٿيڻ کان پوءِ آءِ ايم ايف بورڊ جي منظوري سان پاڪستان جي لاءِ هڪ ارب ڊالر جي ٻئي قسط جاري ٿيڻ جو امڪان آهي.
ياد رهي ته آءِ ايم ايف مشن جو دورو سيپٽمبر 2024 ۾ طئي ٿيندڙ 37 مهينن جي 7 ارب ڊالر ايڪسٽينڊڊ فنڊ فيسلٽي پروگرام جي تحت ٿي رهيو آهي. انهي پروگرام جي تحت آءِ ايم ايف کان پاڪستان کي 2 قسطن ۾ هينئر تائين 2 ارب ڊالر کان وڌيڪ فنڊ ملي چڪا آهن. انهي کان علاوه پاڪستان ۽ آءِ ايم ايف جي وچ ۾ ڪلائميٽ فنانسنگ جو معاهدو به طئي ٿي چڪو آهي جنهن جي تحت 28 مهينن ۾ پاڪستان کي هڪ ارب 30 ڪروڙ ڊالر ملندا.
