لاهور: (ڇنڇر: 04 آڪٽوبر 2025ع) لاهور جي مقامي عدالت ٻن ڪيسن ۾ پاڪستان تحريڪ انصاف جي ڪارڪن فلڪ جاويد جي جسماني ريمانڊ ۾ 4 ڏينهن جي لاءِ منظور ڪري ڇڏي. سائبر ڪرائيم انويسٽيگيشن ايجنسي فلڪ جاويد کي 4 ڏينهن جو جسماني ريمانڊ مڪمل ٿيڻ تي ضلعي ڪچهري لاهور ۾ جوڊيشل مجسٽريٽ نعيم وٽو جي عدالت ۾ پيش ڪيو ۽ وڌيڪ جسماني ريمانڊ جي درخواست ڏني.
فلڪ جاويد جي وڪيل وڌيڪ جسماني ريمانڊ ڏيڻ جي مخالفت ڪئي ۽ ان کي غيرضروري قرار ڏنو. عدالت وڪيلن جا دليل ٻڌڻ بعد فيصلو محفوظ ڪيو ۽ پوءِ فيصلي ۾ فلڪ جاويد جي جسماني ريمانڊ ۾ 4 ڏينهن جي واڌ ڪري ڇڏي.
ياد رهي ته صنم جاويد جي ڀيڻ فلڪ جاويد خلاف رياست مخالف ٽوئٽ ڪرڻ ۽ هڪ صوبائي وزير جي نامناسب تصوير اپلوڊ ڪرڻ جي الزام هيٺ ٻن ڪيسن داخل ٿيل آهن.
What’s your Reaction?
+1
+1
+1
+1
+1
