بدين اليڪشن ڪميشن آف پاڪستان جي هدايتن تي ڊسٽرڪٽ اليڪشن ڪمشنر بدين محمد حنيف پاران ووٽر آگاهي مهم ڌجي سلسلي ۾ اقليتي برادري لاءِ ووٽر آگاهي پروگرام ماتا شيرا والي مندر ۾ منعقد ڪيو ويو

ووٽر آگاهي مهم ۾ مردن ۽ عورتن وڏي انگ ۾ شرڪت ڪئي ڊسٽرڪٽ اليڪشن ڪمشنر بدين ووٽ جي آئيني ۽ قومي اهميت تي تفصيلي روشني وڌي، جڏھن ته شرڪت ڪندڙن کي ووٽر رجسٽريشن، مقرر عمر جي حد، شناختي ڪارڊ جي اهميت ۽ پولنگ جي طريقيڪار بابت به جامع آگاهي فراهم ڪئي وئي، ووٽر لسٽ ۾ صحيح اندراج، بروقت اپڊيٽ ۽ انتخابي عمل ۾ ڀرپور شرڪت جي اهميت تي زور ڏنو ويو هن چيو ته ووٽ هڪ فرد جي آواز کان وڌي قوم جي مستقبل جي فيصلن ۾ بنيادي حيثيت رکي ٿو۔ شفاف ۽ منصفاڻا چونڊون تڏهن ئي ممڪن آهن، جڏهن هر شهري پنهنجي حقِ راءِ⁠دهي کي سمجهه، ذميواري ۽ ايمانداري سان استعمال ڪري آگاهي سيشن ۾ شرڪت ڪندڙن کي فارم-21 پڻ ڏنا ويا جڏهن ته ووٽر رجسٽريشن ۽ چونڊ عمل بابت سوال جواب جو خصوصي سيشن پڻ رکيو ويو، جنهن ۾ شرڪت ڪندڙن جي سوالن جا تفصيلي جواب ڏنا ويا. ان موقعي تي اليڪشن ڪميشن آف پاڪستان طرفان شرڪت ڪندڙن ۾ سووينئر پڻ ورهايا ويا پروگرام دوران ووٽ جي حق جي اهميت، جمهوري عمل ۾ سڀني شهرين جي شموليت ۽ آزاد، منصفانه ۽ شفاف چونڊن جي يقيني بڻائڻ بابت آگاهي ڏني وئي