اولڊ سکر ۾ سيپڪو جو سخت ڪريڪ ڊائون، بجلي چوري خلاف آپريشن، شاهي بازار، جنات بلڊنگ ۽ حسن چوڪ ۾ ڇاپا، لکين رپين جي وصولي، ڪيترائي ماڻهو گرفتار

سکر پاور ڊويزن جي هدايتن تي ايڪسئين آپريشن روهڙي ڪاشف گلزار شيخ جي نگراني هيٺ سب ڊويزن اولڊ سکر جي ايس ڊي او سيد وقار شاهه عيد کان پوءِ بجلي چوري ۽ نادھندگان خلاف ڀرپور آپريشن شروع ڪري ڇڏيو آهي. ان دوران شاهي بازار، جنات بلڊنگ ۽ حسن چوڪ سميت مختلف علائقن ۾ اوچتا ڇاپا هنيا ويا ۽ غيرقانوني ڪنيڪشنن خلاف سخت ڪارروائي ڪئي وئي.
آپريشن جي نتيجي ۾ لکين رپين جي وصولي ڪئي وئي جڏهن ته ڪيترن ئي ماڻهن کي گرفتار پڻ ڪيو ويو، جن کي واجبات ادا ڪرڻ بعد آزاد ڪيو پيو وڃي. هن موقعي تي واپڊا جو سمورو عملو فيلڊ ۾ موجود رهيو، جن ۾ لائن سپرنٽنڊنٽ رمضان ملڪ، لائن سپرنٽنڊنٽ شهباز پيرزادو، عقيل احمد دايو، اڪبر احمد ۽ ٻيا شامل هئا.
جڏهن ته رينجرز جو انسپيڪٽر ڪاشف علي ۽ ٻيا آفيسر پڻ آپريشن جي نگراني ڪندا رهيا. پوليس ۽ رينجرز جي اهلڪارن پڻ ڀرپور مدد فراهم ڪئي.
ايس ڊي او سيد وقار شاهه واضح ڪيو ته بجلي چوري خلاف بنا امتياز ڪارروائي روزاني بنياد تي جاري رهندي ۽ نادھندگان خلاف سخت قانوني قدم کنيا ويندا ته جيئن لائن لاسز ۾ گهٽتائي ۽ وصولي ۾ نمايان بهتري آڻي سگهجي