روهڙي جي گورنمنٽ گرلز هائي اسڪول بيدل بيڪس ۾ آرٽ ۽ سائنس جي شعبن تحت اسٽيم ڊي (STEM Day) جي موقعي تي هڪ شاندار مقابلي جو اهتمام ڪيو ويو

جنهن ۾ اسڪول جي شاگردياڻين وڏي جوش ۽ جذبي سان شرڪت ڪئي مقابلي دوران شاگردياڻين سائنسي ماڊلز،تخليقي آرٽ ورڪ ۽ جديد خيالن تي ٻڌل منصوبن ذريعي پنهنجي صلاحيتن جو ڀرپور مظاهرو ڪيو مقابلي ۾ ججز پاران شاگردياڻين جي ڪارڪردگي جو جائزو وٺي پوزيشن حاصل ڪندڙ گروپن جو اعلان ڪيو ويو ڪامياب ٿيندڙ شاگردياڻين کي روڪ رقم، خوبصورت ايوارڊز ۽ تعريفي سرٽيفيڪيٽ ڏنا ويا جڏهن ته ٻين شرڪت ڪندڙن جي حوصلا افزائي لاءِ پڻ سندون پيش ڪيون ويون ان موقعي تي تقريب جي خاص مهمان عرفان علي دائودپوٽو،تعلقه ايجوڪيشن آفيسر امداد ٽالپر، اسڪول جي هيڊ ماسٽر ارشد قريشي ،مس مونيڪا ۽ ميڊم سحرش خطاب ڪندي چيو ته اهڙا تعليمي ۽ تخليقي پروگرام شاگردياڻين ۾ سائنسي سوچ،تحقيق ۽ جدت کي هٿي ڏين ٿا جيڪي مستقبل ۾ انهن لاءِ ڪاميابيءَ جا نوان در کولين ٿا هڻن ٻڌايو ته سکر ضلعي ۾ 27 اسڪول اسٽيم مقابلي ۾ شريڪ ٿيا آهن جن ۾ روهڙي جو هي واحد اسڪول آهي جنهن ان مقابلي ۾ ڪواليفائيڊ ڪيو آهي جنهن ۾ سائنسي مقابلي ۾ حصو وٺڻ لاءِ خوبصورت سائنسي ۽ آرٽ ماڊلز ٺاهيندڙ شاگردياڻين ۽ سندن ٽيچرز جو اهم ڪردار آهي آخر ۾ مهمانن ۽ استادن اسٽيم ڊي مقابلي کي علمي ۽ تخليقي صلاحيتن کي اجاگر ڪرڻ لاءِ هڪ اهم قدم قرار ڏيندي چيو ته مستقبل ۾ به اهڙا پروگرام ٿيڻ گهرجن