ڪراچي جي درخشان ٿاڻي جي حد بلاڪ 28 جي ڀرسان سي ويو اپارٽمينٽ جي پارڪنگ ۾ بيٺل پراڊو گاڏي مان عورت ۽ مرد جا لاش هٿ آيا آهن.
رپورٽ موجب پوليس اختيارين جو چوڻ آهي ته سي ويو جي ڀرسان گاڏي مان ملندڙ مرد جي لاش جي سڃاڻپ شهباز ملڪ جي نالي سان ٿي آهي جڏهن ته 28 ورهين جي عورت جي سڃاڻپ فوري طور تي نه ٿي سگهي آهي.
پوليس لاشن کي پوسٽ مارٽم جي لاءِ جناح اسپتال منتقل ڪري جاچ شروع ڪري ڇڏي آهي. شروعاتي طور تي موت ساهه ٻوساٽجڻ سبب لڳي ٿي پر حقيقت پوسٽ مارٽم رپورٽ کان پوءِ ئي سامهون ايندي.
هوڏانهن لاش ملڻ جي اطلاع تي پوليس جي وڏي نفري به واقعي واري هنڌ پهچي وئي جڏهن ته سوسائٽي جا گيٽ بند ڪيا ويا. ٻئي طرف جناح اسپتال ۾ سي ويو اپارٽمينٽ جي پارڪنگ مان ملندڙ عورت ۽ مرد جي لاش جو پوسٽ مارٽم مڪمل ڪيو ويو آهي، پوليس موجب پوسٽ مارٽم سامهون اچڻ کان پوءِ ئي ڪجهه ٻڌائي سگهجي ٿو.
