لاهور: مقامي عدالت يوٽيوبَر سعد الرحمان عرف ڊڪي کي جوا پروموشن واري ڪيس ۾ فردِ جرم لاءِ طلب ڪري ورتو آهي۔
لاهور جي ضلعي ڪچهري ۾ يوٽيوبَر سعد الرحمان عرف ڊڪي سميت ٻين خلاف آن لائن جوا پروموشن واري ڪيس جي ٻڌڻي ٿي، جنهن دوران عدالت سعد الرحمان سميت ٻين جوابدارن کي فردِ جرم لاڳو ڪرڻ لاءِ 16 جنوري تي طلب ڪري ورتو۔
يوٽيوبَر سعد الرحمان عرف ڊڪي ۽ سندن گهر واري عروب جتوئي سميت ٻيا جوابدار عدالت ۾ پيش ٿيا، جتي کين چالان جون ڪاپيون فراهم ڪيون ويون۔
ٻڌڻي دوران عدالت چيو ته بغير اجازت يوٽيوب چينل تي وي لاگ ٺاهڻ غير قانوني آهي، اوهان کي وي لاگ جي اجازت لاءِ عدالت ۾ درخواست داخل ڪرڻ گهرجي ها۔
ان تي سعد الرحمان موقف اختيار ڪيو ته گذريل ٻڌڻي تي هن بيانِ حلفي ڏنو هو ۽ سندس خيال موجب اها ئي اجازت هئي، جنهن تي عدالت چيو ته اوهان پاڻ کي پاڻ ڪيئن اجازت ڏئي سگهو ٿا؟ ڇو ته اجازت صرف عدالت ڏيندي آهي۔
عدالت وڌيڪ چيو ته پراسيڪيوشن به اوهان جي وي لاگنگ کان خوش ناهي۔
ان موقعي تي سعد الرحمان جي وڪيل چيو ته اسان کي سمجهه ۾ نٿو اچي ته اسان ڪهڙي شيءِ جي اجازت وٺون، ڇو ته اسان ته پنهنجي چينل تي وي لاگ ڪري ئي نٿا رهيا۔
عدالت چيو ته سعد الرحمان جو يوٽيوب چينل مالِ مقدمو آهي ۽ اين سي سي آءِ ان چينل کي ضبط ڪري رکيو آهي۔
ان تي عدالت واضح ڪيو ته سعد الرحمان جو يوٽيوب چينل مالِ مقدمو آهي ۽ اين سي سي آءِ ان چينل کي پنهنجي تحويل ۾ ورتو آهي۔
عدالت وڌيڪ چيو ته وي لاگنگ ڪري سگهجي ٿي، پر ضبط ڪيل چينل تان وڊيوز اپلوڊ ڪرڻ غير قانوني آهي؛ اوهان وي لاگنگ ڪريو، پر ان چينل تان اپلوڊنگ غير قانوني آهي۔
واضح رهي ته اين سي سي آءِ اي جوابدارن خلاف آن لائن جوا پروموشن واري ڪيس جو چالان اڳ ئي پيش ڪري چڪي آهي۔
