روس ۽ چين وينزويلا تي آمريڪي چڙهائي تي سخت ردعمل ظاهر ڪندي صدر نيڪولس مادورو ۽ سندس گهرواري جي آزادي جو مطالبو ڪيو آهي۔
سلامتي ڪائونسل جي هنگامي اجلاس ۾ روسي نمائندي چيو ته ڪاراڪس ۾ آمريڪي ڪاررواين جو ڪو به جواز ناهي، آمريڪا کي اها اجازت نه ڏني وڃي ته هو پاڻ کي ڪنهن به صورت ۾ اعليٰ ترين منصف سمجهي ۽ ڪنهن به ملڪ تي حملو ڪري۔
روسي نمائندي جو چوڻ هو ته اهو عمل قانون کان هٽي وڃڻ واري دور ۽ طاقت جي زور تي آمريڪي بالادستي جي واپسي جو اڳڪٿي ڪندڙ آهي۔
ان موقعي تي چيني نمائندي چيو ته ڪو به ملڪ نه ته دنيا جو پوليس مين بڻجي سگهي ٿو ۽ نه ئي پاڻ کي عالمي منصف سمجهڻ جو حق رکي ٿو، طاقت جي اندھا ڌند استعمال سان رڳو وڌيڪ وڏا بحران جنم وٺندا، آمريڪا کي ڌونس ۽ جبر تي ٻڌل پنهنجون پاليسيون ڇڏڻ گهرجن۔
واضح رهي ته آمريڪا ڇنڇر جي ڏينهن وينزويلا تي حملو ڪيو، جتي آمريڪي ڊيلٽا فورس وينزويلا جي صدر مادورو ۽ سندس گهرواري کي صدارتي محل مان گرفتار ڪري کڻي وئي۔
آمريڪي صدر ٽرمپ جو چوڻ هو ته مادورو ۽ سندس زال کي سندن بيڊ روم مان گرفتار ڪري نيويارڪ آندو ويو آهي، جتي آمريڪا ۾ انهن خلاف منشيات ۽ دهشتگردي جي الزامن تحت مقدمو هلندو۔
