پاڪستاني شوبز انڊسٽري جي نامياري اداڪار همايون اشرف پنهنجي سان پيش آيل موبائل چوري جو واقعو ٻڌائي ڇڏيو آهي۔
اداڪار جيو نيوز جي پروگرام “هسنا منع آهي” ۾ شرڪت ڪئي، جتي ميزبان تابش هاشمي، همايون اشرف جي زندگي سان لاڳاپيل مختلف واقعن تي گفتگو ڪئي۔
گفتگو دوران اداڪار پنهنجي سان پيش آيل چوري جي واقعي بابت ٻڌائيندي چيو ته انهن ڏينهن ۾ هن هڪ تمام مهانگو نئون موبائل فون خريد ڪيو هو۔ هو پنهنجي دوست سان گڏ وڃي رهيو هو ته اوچتو هڪ چور اچي موبائل فون گهريو۔
هن وڌيڪ چيو ته شروع ۾ هن پنهنجو فون چور ڏانهن وڌايو، پر دل ۾ خيال آيو ته فون کي اڃا هفتي ئي ٿيو آهي، جنهن کان پوءِ هن فون واپس ڇڪي ورتو۔ ان ئي دوران چور زبردستي فون ڇيني ورتو ۽ مون چور کي پڪڙي ورتو۔ مزاحمت دوران چور مون تي تمام ويجهو 5 کان 6 فائر ڪيا ۽ ڀڄي ويو۔
همايون اشرف وڌيڪ ٻڌايو ته هو به چور جي پويان ڊوڙيو ۽ هڪ گاڏي جي پٺيان وڃي لڪيو، جنهن تي چور ٻيهر فائر ڪيا۔ ٿوري ئي دير ۾ ڪنهن شخص مون کان خيريتي پڇي، جنهن تي شروع ۾ مون چيو ته مان بلڪل ٺيڪ آهيان، پر جڏهن مون پنهنجي ٽنگ ڏانهن ڏٺو ته خبر پئي ته مون کي گولي لڳي آهي ۽ منهنجي ٽنگ مان رت وهي رهيو هو۔
