ڪراچي: قومي ائيرلائين اعلان ڪيو آهي ته اها لاهور کان لنڊن لاءِ فضائي آپريشن شروع ڪندي.
ترجمان جي مطابق پهرين پرواز PK 757، 30 مارچ تي لاهور کان لنڊن رواني ٿيندي. لاهور کان لنڊن لاءِ پروازون هيٿرو ايئرپورٽ جي ٽرمينل 4 تي لينڊ ڪنديون.
ترجمان ٻڌايو ته 6 سالن جي وقفي کان پوءِ پروازون شروع ڪيون پيون وڃن، لنڊن قومي ائيرلائين جي نيٽورڪ جي شروعاتي بين الاقوامي روٽن ۾ شامل آهي. پروازن جي شروعات سان گڏ برطانيا لاءِ قومي ائيرلائين جي هفتي وار پروازن جي تعداد 7 ٿي ويندي.
ترجمان موجب پابندي کان اڳ قومي ائيرلائين پاڪستان کان لنڊن لاءِ هفتي وار 10 پروازون هلائي رهي هئي، ۽ لنڊن لاءِ پروازن ۾ تدريجي اضافو ڪيو ويندو.
ترجمان وڌيڪ چيو ته قومي ائيرلائين اڳ ۾ ئي اسلام آباد کان لنڊن لاءِ هفتي وار ٽي پروازون شروع ڪرڻ جو اعلان ڪري چڪي آهي، اسلام آباد کان لنڊن جي پروازون 29 مارچ کان شروع ٿينديون.
