ڪوٽ ڏيجي ۾ گذريل رات پيٽرول ۽ ڊيزل جي قيمتن ۾ ڪيل واڌ خلاف سخت احتجاج

​ . پيٽرول جي قيمت 458 رپيا ۽ ڊيزل 520 رپيا في ليٽر ٿيڻ تي مختلف شعبن سان تعلق رکندڙ ماڻهن ۾ سخت ڪاوڙ جي لهر پکڙجي وئي، جنهن دوران مظاهرين پاران حڪومت خلاف سخت نعريبازي ڪئي وئي.
​احتجاج جي اڳواڻي پريس ڪلب جي صدر سيد امام علي شاهه بخاري، سينئر نائب صدر سيد حسين شاهه، نائب صدر صفدر علي ميمڻ، بگٽي اتحاد جي نوجوان لالا فضل بگٽي، وڏيرو علي حسن عرف بگو خان بگٽي، ٽائون ڪاميٽي ڪوٽ ڏيجي يونين جي صدر واجد شاهه ۽ سوشل ورڪر سيد حسن شاهه ڪئي، جڏهن ته صحافين، آبادگارن ۽ ٽرانسپورٽرن جي وڏي انگ شرڪت ڪئي.
​ان موقعي تي اڳواڻن خطاب ڪندي چيو ته پيٽروليم شين جي قيمتن ۾ هن تاريخي واڌ سان عام ماڻهو، ٽرانسپورٽ جو شعبو ۽ خاص طور تي آبادگار طبقو مڪمل طور تي تباھ ٿي ويندو. اڳواڻن جو وڌيڪ چوڻ هو ته ڊيزل جي قيمت 520 رپيا ٿيڻ زراعت ۽ ٽرانسپورٽ جي شعبي لاءِ موت جو پروانو آهي، جڏهن ته پيٽرول مهانگو ٿيڻ سان کائڻ پيئڻ جي شين جا اگھ به آسمان تي پهچي ويا آهن. احتجاج ڪندڙن حڪومت خلاف تيز نعريبازي ڪندي مطالبو ڪيو ته فوري طور قيمتون گهٽ ڪري عوام کي رليف فراهم ڪيو وڃي، ٻي صورت ۾ احتجاج جو دائرو وڌايو ويندو.