ڪراچي پورٽ تي فيري ٽرمينل جو افتتاح ڪيو ويو آهي، ۽ ايراني بندرگاهه چاہ بہار لاءِ پهرين فيري 20 جنوري کان آپريشن شروع ڪندي.
ڪراچي پورٽ جي ايسٽ هاروف تي پهريون فيري ٽرمينل کوليو ويو، جتي تقريب دوران وفاقي وزير بحري جي شعبن جا جنيد انور چوڌري چيو ته فيري ٽرمينل ۽ سروس بحري شعبي لاءِ وڏو موقعو آهي.
هن چيو ته ڪراچي پورٽ جو هي فيري ٽرمينل ڪنهن به طرح ايئرپورٽ جي سهولتن کان گهٽ ناهي. هن ٽرمينل مان مسافرن جي امیگريشن، ڪسٽم ۽ روانگي جا عمل مڪمل ڪيا ويندا. چين مان چار آپريٽرز فيري سروس هلائڻ ۾ دلچسپي ظاهر ڪري چڪا آهن. وزيراعظم ۽ فيلڊ مارشل جي خواهش آهي ته بليو اکانومي کي مضبوط ڪيو وڃي.
هن موقعي تي فيري آپريٽر ٻڌايو ته ڪراچي کان چاہ بہار لاءِ ڪرائي 50 هزار رپيا هوندو، شام پنجين وڳي شروع ٿيندڙ هي سفر 16 ڪلاڪن ۾ مڪمل ٿيندو. فيري هفتي ۾ ٻه دفعا چاہ بہار ويندي.
پاڪستان جي ڊگهي سامونڊي ڪناري تي سامونڊي تفريحي جڳهون تقريباً ناياب آهن، ۽ هي فيري سامونڊي تفريح ۾ ان گنت موقعا پيدا ڪري سگهي ٿي.
