لاهور: اسڪولن جي ڪم جا اوقات تبديل ڪري ڇڏيا ويا آهن، ۽ نون اوقات جو اطلاق 19 جنوري کان 15 اپريل 2026 تائين هوندو.
تفصيل موجب، پنجاب جي اسڪول ايجوڪيشن ڊپارٽمينٽ سرڪاري اسڪولن جي ڪم جا اوقات تبديل ڪرڻ جو باقاعده نوٽيفڪيشن جاري ڪري ڇڏيو آهي.
جنهن تحت نوان اوقات 19 جنوري کان 15 اپريل 2026 تائين لاڳو هوندا.
جاري نوٽيفڪيشن موجب، پنجاب جي سڀني سنگل شفٽ سرڪاري اسڪولن جا ڪم سومر کان خميس تائين صبح 10 وڳي کان ڏينهن 2 وڳي 15 منٽ تائين رهندا، جڏهن ته جمعي تي تدريس جا اوقات صبح 10 وڳي کان ڏينهن 12 وڳي 30 منٽ تائين هوندا.
ڊبل شفٽ اسڪولن ۾ صبح جي شفٽ صبح 10 وڳي کان ڏينهن 2 وڳي تائين ۽ دوپہر واري شفٽ 2 وڳي 15 منٽ کان شام 4 وڳي 45 منٽ تائين جاري رهندي.
نوٽيفڪيشن ۾ استاد لاءِ به نيون هدايتون جاري ڪيون ويون آهن. سومر کان خميس تائين استاد جي اوقات ۾ تدريس جي تياري، پيشه ورانه تربيت ۽ ٽريننگ سيشنز شامل ڪيا ويا آهن.
تعليم کاتي موجب استاد جي متبادل هفتن ۾ ڇنڇر تي حاضري لازمي قرار ڏني وئي آهي، جنهن جو مقصد تدريس جي معيار ۽ پيشه ورانه صلاحيتن ۾ بهتري آڻڻ آهي.
