گوگل ڪروم ويب برائوزر لاءِ انتهائي اهم سيڪيورٽي اپ ڊيٽ جاري ڪري ڇڏي آهي۔
گوگل صارفين تي زور ڏنو آهي ته هو ڪروم ويب برائوزر کي فوراً اپ ڊيٽ ڪن ته جيئن تازو سامهون آيل سيڪيورٽي ڪمزورين کان پاڻ کي محفوظ رکي سگهن۔
هن اپ ڊيٽ ۾ ويب برائوزر ۾ موجود اهڙيون ڪيترين ئي سيڪيورٽي خامين کي درست ڪيو ويو آهي، جن کي هيڪرز استعمال ڪندا آهن۔
گوگل طرفان جاري ڪيل بيان موجب، تازن ڪروم بلڊز ۾ ڪيترين ئي ڪمزورين جي سڃاڻپ ٿي هئي، جن کي فڪس ڪرڻ لاءِ هي نئين اپ ڊيٽ جاري ڪئي وئي آهي۔
ڪمپني انهن سيڪيورٽي مسئلن جي تفصيل جاري نه ڪئي آهي۔
پر گوگل تصديق ڪئي آهي ته انهن مان ڪجهه سيڪيورٽي خاميون انتهائي سنگين آهن ۽ جيڪڏهن انهن تي ضابطو نه آندو ويو ته صارفين جي سيڪيورٽي متاثر ٿي سگهي ٿي۔
گوگل ڪروم دنيا جو سڀ کان وڌيڪ استعمال ٿيندڙ ويب برائوزر آهي، ۽ انهي سبب ان ۾ موجود سيڪيورٽي خاميون تمام گهڻو نقصانڪار ثابت ٿي سگهن ٿيون۔
ڪروم برائوزر کي اپ ڊيٽ ڪيئن ڪجي؟
عام طور تي گوگل ڪروم پاڻمرادو اپ ڊيٽ ٿي ويندو آهي۔
جيڪڏهن توهان کي خبر ناهي ته برائوزر اپ ڊيٽ ٿي چڪو آهي يا نه، ته ٿري ڊاٽ مينيو تي ڪلڪ ڪري سيٽنگز ۾ وڃو۔
اتي “اباؤٽ ڪروم” تي ڪلڪ ڪريو، جيڪو صفحي جي کاٻي پاسي سڀ کان هيٺ هوندو۔
ان کان پوءِ ڪروم طرفان ٻڌايو ويندو ته برائوزر اپ ٽو ڊيٽ آهي يا نه، جيڪڏهن نه هوندو ته اپ ڊيٽ ٿيڻ شروع ٿي ويندو۔
آخر ۾ صرف ري لانچ ڪريو، ته ڪروم مڪمل طور اپ ڊيٽ ٿي ويندو۔
