سنڌ ۾ گهٽ آمدني وارن ماڻهن کي 2 لک سولر پينل فراهم ڪرڻ واري منصوبي ۾ 3 ارب رپين کان وڌيڪ مبينا ڪرپشن بابت نيَب جي جاچ ۾ اهم اڳڀرائي ٿي آهي۔
سنڌ جي توانائي کاتي جي سولر پينل منصوبي ۾ 3 ارب رپين کان وڌيڪ مبينا ڪرپشن جو انڪشاف ٿيو هو، جنهن کان پوءِ نيَب جاچ شروع ڪري ڇڏي آهي۔
ان حوالي سان سنڌ جي وزيراعليٰ نيَب جي نوٽيس کان پوءِ رڪارڊ ۽ سموريون تفصيلون نيَب کي فراهم ڪرڻ جي منظوري ڏئي ڇڏي آهي۔
ذريعن موجب، ٺيڪو حاصل ڪندڙ ڪمپني ڪاغذن ۾ جعلسازي ڪري مبينا طور ڪروڙين رپين جي ڪرپشن ڪئي آهي۔ هي منصوبو ورلڊ بينڪ جي 10 ڪروڙ ڊالرن جي قرض تحت هلي رهيو آهي۔
ذريعن موجب، ٺيڪيدار منصوبي جي عملي سان ملي ڀڳت ڪري مقرر تعداد ۾ سولر يونٽس فراهم نه ڪيا، پر ڪاغذن ۾ منصوبي کي مڪمل ڏيکاريو ويو۔
جيو نيوز جي اينڪر شهباز اقبال سيپٽمبر 2025 ۾ پنهنجي پروگرام ۾ سنڌ سولر منصوبي ۾ مبينا بي ضابطگين سان لاڳاپيل اهم حقيقتون سامهون آنديون هيون۔
نيَب پنهنجي انڪوائري واري خط ۾ چيو آهي ته هن معاملي ۾ جاچ کي بهتر نموني اڳتي وڌڻ ڏنو وڃي، اوورليپنگ دائري اختيار يا ڪنهن به قانوني پيچيدگي کان بچڻ لاءِ اينٽي ڪرپشن اسٽيبلشمينٽ سنڌ کي ڪنهن به مرحلي تي هن معاملي ۾ جاچ ڪرڻ کان پاسو ڪرڻ گهرجي۔
