سکر شھر جي اي سيڪشن ۽ نئين پنڊ ٿاڻي جي حدن ۾ جوئا آڪڙا پرچي جاري

سکر جي مختلف ٿاڻن جي حدن خاص ڪري نيو پنڊ ٿاڻي جي حد، ڀوسا لائين، ڪوري هوٽل، امان الله چوڪ، پٺاڻ ڪالوني، آغا بدر الدين ڪالوني، نئون پنڊ مين چوڪ، امان اللھ چوڪ، درزي محلو، شڪارپور ڦاٽڪ، مائڪرو سميت اي سيڪشن ٿاڻي جي حدن جي مختلف علائقن ٽانگا اسٽينڊ شمس آباد ۽ ٻين ھنڌن تي پوليس جي خاموشي سبب آڪڙا پرچي جوئا سر عام هلڻ لڳي آهي،  جوئا آڪڙا پرچي ڊيلر جن ۾ اصغر ميراڻي ڪوري ھوٽل، ماجد مھرآغا بدر الدين ڪالوني، امير پٺاڻ  پٺاڻ ڪالوني، دائود پٺاڻ پٺاڻ ڪالوني، خالد مھر آغا بدر الدين ڪالوني، صدام کوسو آغا بدر الدين ڪالوني، حاڪم شر ڀوسا لائين، يارو گڏاڻي نئون پنڊ مين چوڪ، شاھد جاڳيراڻي نئون پنڊ مين چوڪ، آشق چنا نئون پنڊ مين چوڪ، مھدي کوسو امان اللھ چوڪ، راشد گهانگهرو درزي محلو، تاج منڱريو ھول سيلر شڪارپور ڦاٽڪ، فرحان کوسو مائڪرو، رفيق بروھي مائڪرو، صلاح الدين افغان سينٽر بيڪ سائين اي سيڪشن ٿاڻو ۽ ٻيا شامل آھن، جڏھن تھ نئين پنڊ ۽ اي سيڪشن ٿاڻن جي حدن ۾ جوئا جو ڪڌو ڪاروبار ڪرڻ سبب ڪيترائي نوجوان پنهنجي جمع پونجي وڃائي ويٺا آهن، نوجوانن سان گڏ گھٽ عمي جي ٻارن به سماجي براين ۾ حصو وٺڻ شروع ڪري ڇڏيو آهي، جنهن سبب شهر ۾ بدامني جي شرح پڻ وڌڻ جو خدشو آهي، شهر ۾ جوئا، آڪڙا پرچن، ريتمو گيم، گٽڪا، پان پراگ ۽ ٻين مضر صحت شين جي کليل وڪري تي شهري ۽ سماجي حلقن ۾ ڳڻتي جي لهر ڇانيل آهي، ان سلسلي ۾ سکر جي شرين، سياسي سماجي ڌرين چيف جسٽس آف پاڪستان، وزير داخله، آءِ جي سنڌ، ڊي آءِ جي سکر ، ايس ايس پي سکر ۽ اي ايس پي سکر سميت اعليٰ اختيارن کان مطالبو ڪيو آهي ته اهڙي معاملي جو نوٽس وٺي شهر مان جوئا جهڙا ڪڌا ڪاروبار بند ڪرايا وڃن.