آمريڪي صدر ڊونلڊ ٽرمپ ايراني فورسز کي ڌمڪي ڏني آهي ته جيڪڏهن انهن هٿيار ڦٽا نه ڪيا ته کين موت کي منهن ڏيڻو پوندو.
آمريڪي فوجين جي مارجي وڃڻ کان پوءِ اهم اعلان ڪندي صدر ڊونلڊ ٽرمپ چيو ته ايران تي حملن ۾ 4 هفتن کان وڌيڪ وقت لڳندو. جنگ هڪ مهيني تائين جاري رهي سگهي ٿي، ايراني رجيم کي ڪنهن به صورت ۾ ايٽمي هٿيارن تائين پهچ نٿا ڏئي سگهون، فوجي آپريشن جاري رهندو. آمريڪي شهرين جي مارجي وڃڻ جو بدلو ايران کان ورتو ويندو.
هن چيو ته ايران جا پري تائين مار ڪندڙ ايٽمي ميزائل آمريڪي شهرين جي لاءِ خطرو هئا، پاسداران انقلاب هٿيار ڦٽا ڪري ڇڏيا، ايراني عوام سان آمريڪا گڏ آهي، ايراني شهري اهڙي صورتحال ۾ پنهنجو ملڪ واپس وٺي ڇڏين. ٽرمپ چيو ته ايران جي سموري فوجي ڪمانڊ ختم ٿي چڪي آهي، ڪيترائي اهلڪار هٿيار ڦٽا ڪرڻ جا خواهشمند آهن، ايران ۾ سوين حدفن کي نشانو بنايو ويو، آمريڪا ايران جي 48 اهم شخصيتن کي قتل ڪري ڇڏيو، جنگ کان پوءِ ايران ۾ جمهوريت قائم ٿيندي.
آمريڪي صدر چيو ته آمريڪي دنيا جو طاقتور ترين ملڪ آهي، سعودي عرب، بحرين، امارات، قطر، اردن جي ليڊرن سان به ڳالهيون ڪيون. مقصد حاصل ٿيڻ تائين ڪارروائي جاري رهندي. وڌيڪ آمريڪين جي مارجي وڃڻ جو به امڪان آهي. ٽرمپ ايراني پاسداران انقلاب کي هٿيار ڦٽا ڪرڻ جي وارننگ ڏئي ڇڏي آهي.
