مورخہ 26 مارچ 2026سکر (پريس رليز)

ميونسپل ڪمشنر پير واحد بخش جي صدارت هيٺ سندس آفيس ۾ شهر ۾ شروع ڪيل ڊي سيلٽنگ جي ڪم بابت اهم اجلاس منعقد ٿيو، جنهن ۾ ايڪسئن نعمان ڪلهوڙو، سينئر ايڊوائيزر ٽو ميئر عابد علي انصاري، يوسي چيئرمين اظهر اعوان، وائيس چيئرمين علي حسن ميراني، ثاقب راجپوت، پي ايس ٽو ميئر نذر محمد، انجنيئر ظهور ڌاريجو ۽ عبدالرزاق منگي، سنڌ سالڊ ويسٽ جا سجاد سرهيو ۽ رضوان بهاري، انچارج انڊر گرائونڊ خالد غوري، بلديه طرفان مقرر فوڪل پرسن اويس چنه، ٽنهي ٽاؤنز جا فوڪل پرسن، ٺيڪيدار ۽ لاڳاپيل عملي شرڪت ڪئي۔
اجلاس ۾ امڪاني برساتي موسم کان اڳ شهر جي سمورن نالن، مين هولز ۽ انڊر گرائونڊ ڊرينج سسٽم جي وقت سر ۽ معياري ڊي سيلٽنگ کي يقيني بڻائڻ لاءِ جامع لائحه عمل تيار ڪيو ويو ۽ ٺيڪيدارن کان سندن ڪم جو مڪمل پلان ۽ موجود ليبر ۽ مشينري جا تفصيل حاصل ڪيا ويا۔
ميونسپل ڪمشنر واضح هدايتون جاري ڪيون ته سڀئي ڪم مقرر معيار مطابق ۽ مقرر وقت اندر مڪمل ڪيا وڃن، جڏهن ته يوسي چيئرمينن طرفان ٺيڪيدارن جي تسلي بخش ڪم جو باقاعده سرٽيفڪيٽ لازمي قرار ڏنو ويو، ٻي صورت ۾ ادائگيون نه ڪيون وينديون۔ هن خبردار ڪيو ته ناقص يا غير تسلي بخش ڪم جي صورت ۾ لاڳاپيل ٺيڪيدارن خلاف سخت ڪارروائي ڪئي ويندي۔
اجلاس ۾ ٽاؤن مڪي شاهه لاءِ فوڪل پرسن ثاقب تاجپوت ۽ حسن گرديزي ۽ ٺيڪيدار روي ڪمار، ٽاؤن جيئي شاهه لاءِ فوڪل پرسن فرحان شيخ ۽ ٺيڪيدار راؤ شهزاد، جڏهن ته ٽاؤن نثار صديقي لاءِ ٺيڪيدار يعقوب گل کي ذميواريون سونپيون ويون۔ جڏهن ته مجموعي طور ٽنهي ٽاؤنز ۾ ڊي سيلٽنگ جي سمورن معاملن جي نگراني ۽ ڪوآرڊينيشن لاءِ اويس چنه کي فوڪل پرسن مقرر ڪيو ويو۔
اجلاس جي پڄاڻي تي ميونسپل ڪمشنر عزم ظاهر ڪيو ته نيڪالِ آب جي نظام جي بهتري ۽ عوام کي رليف فراهم ڪرڻ لاءِ سڀ موجود وسيلا استعمال ڪيا ويندا ۽ ڪنهن به قسم جي غفلت برداشت نه ڪئي ويندي