مٽياري . رپورٽ زبيراحمدڪلھوڙو
مٽياري ضلعي جي ديھ لتڻيون تپه کيبراڻي ۾ اسان جي 74 ايڪڙ زرعي زمين آھي جنھن ۾ 24 ايڪڙ زمين اسان جي والد منظور ميمڻ 25 ايڪڙ منھنجي ڀاء غلام مصطفي ميمڻ ۽ 25 ايڪڙ زمين منھنجي نالي رجسٽرڊ ٿيل آھي جنھن جا اسان وٽ سمورا ڪاغذ موجود آھن جيڪا اسان ٽالپر فيملي جي مسمات ھوا ٽالپر . مسمات ڦاپل ٽالپر ۽ مسمات بيبي خيري ٽالپر کان 1989 ۾ خريد ڪئي ھئي جيڪا يڪو اسان جي قبضي ۾ ھئي جنھن ۾ اندازن اڌ ايڪڙ اوطاق ٺھيل آھي 30 ايڪڙ ڪيلو ، 25 ايڪڙ ڪمند 15 ايڪڙ ڪڻڪ ، 2 ايڪڙ انب ۽ ليمن جو باغ آھي زمين ۾ خاصخيلي برادري اڪثريت ۾ ۽ ڪجھ ڀيل برادري جا ماڻھو ھاري رکيل آھن سالن کان اسان اھا زمين آباد ڪيون پيا ھاڻي ڪجھ وقت پھريان مقامي ماڻھن ھاشم خاصخيلي عرف سليم سنڌي ۽ محرم راز خاصخيلي اسان کان 2 ڪروڙ رپيا ڀتو گھريو جيڪو اسان ڏيڻ کان انڪار ڪيو جنھن کان پوء انھن ٻنھي ماڻھن اسان جي ھارين کي ڀڙڪائڻ شروع ڪيو ته اھا زمين اوھان جي آھي ان بعد جاڻايل ٻنھي ماڻھن ھاشم خاصخيلي ۽ محرم خاصخيلي اندازن 15 کان 20 ماڻھن سان جيڪي ھٿيارن سان ليس ھئا انھن اسان جي زمين تي ڪاھ ڪري اسان جي زمين تي قبضو ڪيو ۽ اسان جي اوطاق ۾ پيل تقريبن سوا ٻه ڪروڙ کان اڍائي ڪروڙ ماليت جا 3 سولر بورنگون ايگريڪلچرل مشينري فرٽيلائئزر . ھڪ شارٽ گن ، ھڪ سرڪاري رائيفل ۽ چوپايو مال ھٿيارن جي زور تي کنيو ويو ھارين تي تشدد ڪيو ويو اھڙي اطلاع تي اسان فوري طور پوليس کي ڏنو ڇو ته مخالفن جي ڪوشش ھئي ته ڪو نقصان ڪرائي ان جو الزام اسان تي ھڻي پاڻ مظلوم ٿيڻ جي ڪوشش ڪندا ايڊووڪيٽ مظھر ميمڻ جو چوڻ ھو تہ ان کان پوء به مسلسل مٿي جاڻايل ٻئي ماڻھو اسان کي جان کان مارڻ سميت سنگين قسم جون ڌمڪيون ڏئي رھيا آھن ۽ مسلسل اسان جي زمين تي لڳل فصل کڻي رھيا آھن ايڊووڪيٽ مظھر ميمڻ جو چوڻ ھو ته پوليس اسان جي درخواست کي اڻ ٻڌو ڪيو جنھن بعد اسان ڪورٽ ۾ 22AB جي درخواست ڏني پوليس ڪورٽ آرڊر کان پوء 22 ڊسمبر تي اسان جي ايف آئي آر ڪئي پر اڃان تائين ڪا گرفتاري نه ڪئي اسان چيف جسٽس سپريم ڪورٽ ، چيف جسٽس سنڌ ھاء ڪورٽ . وزير اعلي سنڌ . آئي جي سنڌ . ڊي آئي جي حيدرآباد ء ايس ايس پي مٽياري کي اپيل ٿا ڪيون ته ڄاڻايل مسئلي تي جوڊيشل انڪوائري ڪرائي اسان سان انصاف ڪيو وڃي
