پاڪستان ايسوسيئيشن ڪانسائي جاپان پاران جاپان جي شھر اوساڪا ۾ منعقد ٿيندڙ

عالمي پاڪستان اوساڪا ڪلچرل فيسٽيول ۾ شرڪت لاءِ سنڌ مان آيل ملھہ پھلوانن جي وفد جي مان ۾ ھڪ شاندار آجياڻو ڏنو ويو. پرتڪلف مانجهاندي ۾ وڏي انگ ۾ معززين شرڪت ڪئي. سنڌ مام گروپ ڪوآرڊينيٽر ناميارو سفرنامہ نگار ۽ پبلشر قربان منگي، گروپ ليڊر ناميارو مصور ۽ انسٽيٽيوٽ آف آرٽ اينڊ ڊزائين جو ڊائريڪٽر سعيد منگي، ملھہ پھلوانن محمد صديق، قربان ھوٿيپوٽو ۽ محرم مجيداڻي جاپاني ميزبانن کي سنڌ جون ثقافت سوکڙيون اجرڪ، سنڌي ٽوپيون پيش ڪيا. جاپاني ميزبان علي جوھر زيديءَ جي اڳواڻيءَ ۾ ھن تقريب جو اھتمام ٿيو، جيڪو بنيادي طرح، لقمان ،خيرپور ميرس، سنڌ ، پاڪستان جو رھواسي آھي. ھن موقعي تي علي جوھر زيديءَ پاران پڻ سنڌ مان آيل مھمانن کي سوکڙيون پيش ڪيون ويون. پاڪستان ايسوسئيشن ڪانسائي جي اڳواڻ علي جوھر زيديءَ ھن موقعي تي چيو تہ سنڌ مان مھمانن جي آمد اسان لاءِ خوشين جا خزانہ کڻي آئي آھي. جڏھن سنڌ جو ملاکڙو ۽ جاپان جي سومو راند يڪجا ٿيندا تہ محبتن ۽ عالمي ثقافتي يڪجھتيءَ جا رنگ نروار ٿيندا ۽ پاڪستان جاپان دوستي مضبوط ٿيندي.