دادو ۾ ام رباب چانڊيو جي ٽن گهرڀاتين جي قتل ڪيس جو اهم فيصلو اڄ، 30 مارچ 2026 تي دادو ڪورٽ ۾ ٻڌايو ويو

. ڪيس جي ٻڌڻي دوران فريادي ڌر ۽ جوابدار ڌر جا سڀ نامزد ماڻهو عدالت ۾ پيش ٿيا، جڏهن ته سيڪيورٽي جا انتظام انتهائي سخت ڪيا ويا هئا.
عدالت جي احاطي ۽ ڀرپاسي علائقن ۾ پوليس ۽ ٻين قانون لاڳو ڪندڙ ادارن جو وڏي نفري موجود ھئي، جيئن ڪنهن به اڻ وڻندڙ واقعي کان بچي سگهجي.
عدالت ۾ نامزد جوابدارن کان علاوه ڪنهن به غير لاڳاپيل ماڻهو کي داخل ٿيڻ جي اجازت نه ڏني وئي، جڏهن ته ميڊيا جي نمائندن جي داخلا تي پڻ پابنديون لاڳو ڪيون ويون.
فيصلي دوران عدالت پاران چيو ويو ته نامزد جوابدارن خلاف پيش ڪيل ثبوت ڪافي نه هئا ۽ الزام ثابت نه ٿي سگهيا. ان بنياد تي عدالت سڳوري سڀني جوابدارن کي ڪيس مان آزاد ڪري باعزت بري ڪرڻ جو حڪم جاري ڪيو.
ان موقعي تي ام رباب چانڊيو ميڊيا سان ڳالھائيندي لڙڪ لاڙي ڇڏيا ۽ حسينيت زنده آباد ۽ سرداري نظام مرده آباد جا نعره ھنيا ھن ميڊيا سان ڳالھائيندي چيو ته ڪورٽ سڳوري طرفان اسان جي حق ۾ فيصلو ناھي آيو پر منھنجا حوصلا بلند آھن مان انھن ظالم سردارن خلاف مرندي گھڙي تائين وڙھندس اسان وٽ اڃان مٿن ڪورٽن جا رستا کليل آھن ۽ اسان ھن ڪيس کي ھائي ڪورٽ يا سيشن ڪورٽ ۾ ري اوپن ڪرائي انھن کي ڪيفري ڪردار تائين پھچائينداسين