لنڊن: برطانوي ريسرچ اينڊ ڪميونيڪيشن فرم پلي بڪ (Playbook) معرڪو حق بابت پنهنجي تحقيقي رپورٽ جاري ڪندي چيو آهي ته پاڪستان کي ان معرڪي دوران فوجي ۽ سفارتي ٻنهي محاذن تي واضح برتري حاصل ٿي.
رپورٽ موجب، معرڪي دوران پاڪستان فوجي ميدان ۾ نمايان برتري حاصل ڪئي، جڏهن ته رافيل جهازن سميت ڀارت جا ڪيترائي جنگي جهاز تباهه ٿيا.
رپورٽ ۾ چيو ويو آهي ته آمريڪي ۽ فرانسيسي انٽيليجنس اختيارين پڻ ڀارت جي وڏن نقصانن جي تصديق ڪئي آهي.
تحقيقي رپورٽ موجب، ڀارت جي چيف آف ڊفينس اسٽاف ۽ دفاعي اتاشي پڻ معرڪو حق دوران ڀارتي فوج کي ٿيل نقصانن جو اعتراف ڪري چڪا آهن.
رپورٽ ۾ وڌيڪ چيو ويو آهي ته معرڪي کانپوءِ آمريڪا سميت ٻين ملڪن سان پاڪستان جي سفارتي لاڳاپن کي هٿي وٺرائڻ ۾ فيلڊ مارشل سيد عاصم منير اهم ڪردار ادا ڪيو.
تحقيقي رپورٽ موجب، سيٽلائيٽ تصويرون ۽ ٻيا موجود شواهد ان موقف جي تائيد ڪن ٿا ته پاڪستان جو ڪو به جنگي جهاز تباهه نه ٿيو، جڏهن ته محدود وسيلن باوجود پاڪستان واضح فوجي برتري حاصل ڪرڻ ۾ ڪامياب رهيو.
