لاهور: پنجاب روينيو اٿارٽي (PRA) مالي سال 2025-26 دوران پنهنجي تاريخ جي سڀ کان وڌيڪ 367 ارب رپين کان وڌيڪ ٽيڪس وصول ڪري نئون رڪارڊ قائم ڪيو آهي.
پنجاب روينيو اٿارٽي جي ترجمان موجب مالي سال 2024-25 ۾ اداري 270 ارب رپيا ٽيڪس گڏ ڪيو هو، جڏهن ته مالي سال 2025-26 ۾ گذريل سال جي ڀيٽ ۾ 97 ارب رپيا وڌيڪ ٽيڪس وصول ڪيو ويو، جنهن سان 36 سيڪڙو واڌ جي شرح رڪارڊ ڪئي وئي.
پي آر اي جي چيئرمين معظم اقبال سپرا چيو ته صرف جون مهيني دوران 48 ارب رپين کان وڌيڪ ٽيڪس وصول ڪيو ويو، جنهن سان مالي سال جو اختتام شاندار ڪارڪردگي سان ٿيو.
هن وڌيڪ چيو ته اداري جي قيام کانپوءِ هي سڀ کان وڌيڪ ٽيڪس وصولي آهي.
چيئرمين پي آر اي موجب حڪومت مالي سال 2026-27 لاءِ پنجاب روينيو اٿارٽي کي 528 ارب رپين جي ٽيڪس وصولي جو هدف ڏنو آهي.
I
What’s your Reaction?
+1
+1
+1
+1
+1
