اسلام آباد: حڪومت پيٽروليم شين جي قيمتن ۾ گهٽتائي جو اعلان ڪري ڇڏيو آهي.
پيٽروليم ڊويزن موجب، پيٽرول جي في ليٽر قيمت ۾ 1 رپيو 97 پئسا گهٽتائي ڪئي وئي آهي، جنهن کانپوءِ نئين قيمت 297 رپيا 53 پئسا في ليٽر مقرر ڪئي وئي آهي.
اهڙيءَ ريت هاءِ اسپيڊ ڊيزل جي قيمت ۾ پڻ 1 رپيو 97 پئسا گهٽتائي ڪئي وئي آهي، جنهن کانپوءِ ان جي نئين قيمت 309 رپيا 50 پئسا في ليٽر ٿي وئي آهي.
پيٽروليم شين جون نيون قيمتون رات 12 وڳي کان لاڳو ٿي چڪيون آهن.
ٻئي طرف حڪومت پيٽرول تي ليوي ۾ 6 رپيا 22 پئسا في ليٽر واڌ ڪئي آهي، جنهن جو نوٽيفڪيشن پڻ جاري ڪيو ويو آهي.
نوٽيفڪيشن موجب، پيٽرول تي ليوي 64 رپيا 14 پئسا مان وڌائي 70 رپيا 36 پئسا في ليٽر ڪئي وئي آهي.
جڏهن ته ڊيزل تي ليوي ۾ 6 رپيا 22 پئسا في ليٽر گهٽتائي ڪئي وئي آهي، جنهن کانپوءِ اها 77 رپيا 4 پئسا مان گهٽائي 70 رپيا 82 پئسا في ليٽر مقرر ڪئي وئي آهي.
ان کان علاوه، مٽي جي تيل تي ليوي 20 رپيا 36 پئسا في ليٽر برقرار رکي وئي آهي.
