پنجاب جي اطلاعات واري وزير عظميٰ بخاري چيو آهي ته آزاد ڪشمير جي چونڊن ۾ عوام ترقي ۽ جدت کي ووٽ ڏنو جنهن کي مخالفن کي دل سان مڃڻ گهرجي، بلاول پنهنجي 18 سالن جي ڪارڪردگي ڇو نٿو ٻڌائي، اوهان سنڌ جي ماڻهن لاءِ ڪيو ڇا آهي. ڪالهه پ پ چيئرمين بلاول ڀٽو زرداري ڪنهن جو ڳلو پڪڙيو پوءِ سڄي رات پير جهلي ويٺل رهيو.
عظميٰ بخاري لاهور ۾ پريس ڪانفرنس ڪندي چيو ته پنجاب جي وزيراعليٰ گذريل 18 مهينن ۾ جيڪي ڪم ڪيا اهي سڀني جي سامهون آهن، ڪراچي ۾ ٽرانسپورٽ سسٽم ڇو ناهي، ڪچرو ڇو نٿو کنيو وڃي، اوهان 18 سالن جي ڪارڪردگي ڌيکاريو. هن چيو ته آزاد ڪشمير جي عوام ترقي ۽ جدت کي ووٽ ڏنو. ميرپور ڊويزن جي عوام ووٽ جي ذريعي پنهنجو فيصلو ٻڌايو، آزاد ڪشمير جي ماڻهن(ن) ليگ کي چونڊيو، چونڊ نتيجن کي کليل دل سان مڃڻ گهرجي. عوامي فيصلن کي مڃڻ ئي سياست آهي.
هن چيو ته ميرپور ڊويزن جي چونڊن کان پوءِ هڪ پارٽي جي ذهني دٻاءُ ۽ فرسٽريشن ۾ اضافو ٿي رهيو آهي. ڪالهه بلاول ڀٽو زرداري کي ٻڌو اهو ڪنهن کي ٻڌي رهيو هو. اسان کي صرف اهو ٻڌايو ته اوهان 18 سالن ۾ ڪيو ڇا آهي. هي رائيونڊ جو نالو کڻڻ کان سواءِ انهي کي توهين جو نشانو بنائيندا آهن. بلاول ڀٽو پنهنجي تقرير ۾ ڪنهن کي فالو ڪرڻ جي ڪوشش ڪري رهيو هو، پيپلز پارٽي جي شڪست کاڌل ماڻهن کي 25-25 روپين جا فنڊ مليا.
پنجاب جي اطلاعات واري وزير چيو ته هي ڪشمير جي ماڻهن کي ڪڏهن به پنهنجي ڪارڪردگي نه ٻڌائي سگهندا. پر مان اڄ اوهان کي مريم جي پنجاب ۽ بلاول جو سنڌ ڏيکاريندس. گرين بسون سمورن ضلعن ۾ هلي رهيون آهن. ميل پروگرام ڏکڻ پنجاب جي ضلعن جي ٻارن لاءِ آهي، سائوٿ پنجاب جي بلاول ڀٽو کي تمام گهڻي فڪر هوندي آهي. ميٽرو شروع ڪئي ته ن ليگ شروع ڪئي، طيب اردوان اسپتال ٺاهيو، بيوٽي فڪيشن پروگرام ۾ سمورن ڊسٽرڪٽس کي بيوٽيفاءِ ڪري رهيا آهيون. پنجاب مان اوهان جو ايم پي اي، ايم اين اي ناهي کٽيو، اوهان وري ڪشمير جي ڳالهه ڪريو ٿا.
هن چيو ته بلاول ڀٽو اسان کي پنهنجي 18 سالن جي ڪارڪردگي جي باري ۾ ڇو نٿو ٻڌائي ته اوهان سنڌ جي ماڻهن لاءِ ڪيو ڇا آهي؟ ڪراچي جي عوام کي عام ٽرانسپورٽ جي سهوليت به ناهي ملي سگهي. بلاول ڀٽو وڏي دعويٰ سان ذڪر ڪيو هو ته پنجاب جي روڊن جي حالت خراب آهي، کيس دعوت ڏيان ٿي ته اچو پنجاب جي ترقي کي لائيو ڏيکارينداسين، مريم جو پنجاب ۽ بلاول جو سنڌ ڏسي وٺو، جيڪي پنهنجي گهر جا روڊ نه ٺاهي سگهيا اهي ڪشمير جا روڊ ڇا ٺاهيندا.
عظميٰ بخاري چيو ته بلاول پنجاب ۾ به خطاب ۾ چيو هو ته زياده بارش هوتا هي تو زياده پاني آتا هي، پنجاب ۾ واسا کي جديد مشينري فراهم ڪئي وئي آهي، پنجاب ۾ ايئرايمبولينس آهي جڏهن ته سنڌ ۾ سائيڪل ڏني وئي آهي، مريم نواز سمجهي ٿي ته سمورن ٻارن جو حق آهي ته انهن کي ليپ ٽاپ ۽ اسڪالر شپ ملي. سنڌ جا ٻار تعليم جي لاءِ احتجاج ڪري رهيا آهن، ڪراچي جون روشنيون نوازشريف بحال ڪيون هيون، اوهان چوڻ ڇا ٿا چاهيو؟ اوهان سان مسئلو ڪهڙو آهي.
