سکر رپورٽ: محمد انيس شيخ: پاڪستان جي جشنِ آزادي جي موقعي تي جماعت اصلاح المسلمين ضلع سکر پاران پروقار تقريب ۽ شجرڪاري مهم منعقد ڪئي وئي.
ان موقعي تي جماعت اصلاح المسلمين سنڌ جي پريس ترجمان ڊاڪٽر سعيد اعوان خطاب ڪندي چيو ته سبز ۽ سرسبز پاڪستان سندن قائد سجن سائين جو روشن ويزن آهي، جنهن تي عمل ڪندي ملڪ کي خوبصورت ۽ ماحول دوست بڻائي سگهجي ٿو.
هن چيو ته پاڪستان اسان جي بزرگن جي بي مثال قربانين جو ثمر آهي، جڏهن ته آزادي جي حفاظت لاءِ پاڪ فوج جون قربانيون پڻ ساراهه جوڳيون آهن.
جماعت اصلاح المسلمين ضلع سکر پاران قائد جي ويزن تحت 100 کان وڌيڪ ٻوٽا پوکي پاڪستان کي سرسبز ۽ شاداب بڻائڻ جو عزم ورجايو ويو.
شجرڪاري مهم ۾ خليفه محمود علي ميمڻ طاهري، آصف علي راجپوت طاهري، صبغت الله ميمڻ طاهري، خليفه حسيب احمد راهوجو طاهري، خليفه اعجاز علي منگي طاهري، نصيب احمد راهوجو طاهري ۽ تاج محمد لکن طاهري سميت ٻين عهديدارن شرڪت ڪئي.
مقررن عوام کي اپيل ڪئي ته وڻ پوکڻ ماحول جي تحفظ سان گڏ ملڪ ۽ قوم جي خدمت ۽ صدقو جاريه پڻ آهي، تنهن ڪري هر شهري آزادي جي موقعي تي وڌيڪ وڻ پوکڻ جو عزم ڪري.
