سنڌ يونيورسٽي ۾ 24 آگسٽ تي اسڪالرشپ چيڪ ورهائڻ جي تقريب

سنڌ يونيورسٽي ۾ اسڪالرشپ چيڪ ورهائڻ واري شاندار تقريب 24 آگسٽ تي منعقد ڪرڻ جي اعلان، صوبائي وزير سردار علي شاھ خاص مھمان ھوندو، صدارت وائيس چانسيلر ڊاڪٽر فتح مري ڪندو: تقريب ۾ 1074 مستحق شاگردن ۽ شاگردياڻين ۾ مجموعي طور 5 ڪروڙ 25 لک رپين کان وڌيڪ جا چيڪ تقسيم ٿيندا، تياريون شروع
حيدرآباد (محبوب حسين بوزدار) سنڌ يونيورسٽي ڄامشورو جي اسٽوڊنٽ فنانشل ايڊ آفيس پاران عظيم الشان اسڪالرشپ چيڪ ورهائڻ واري تقريب 24 آگسٽ 2026ع تي شهيد بينظير ڀٽو ڪنوينشن سينٽر ۾ منعقد ٿيندي، جنھن ۾ 1,074 مستحق شاگردن ۽ شاگردياڻين ۾ مختلف اسڪالرشپ پروگرامن تحت مجموعي طور 5 ڪروڙ 25 لک 77 هزار رپين کان وڌيڪ ماليت جا اسڪالرشپ چيڪ ورهايا ويندا. تقريب جو خاص مهمان سنڌ جو صوبائي وزير سيد سردار علي شاهه هوندو، جڏهن ته صدارت سنڌ يونيورسٽي جو وائيس چانسيلر پروفيسر ڊاڪٽر فتح محمد مري (ٽي آءِ) ڪندو. قريب ۾ سنڌ ايجوڪيشنل اينڊومينٽ فنڊ، سنڌ ھيڪ، نيسٽ، اسڪاٽش اسڪالرشپ، الڪوثرر فائونڊيشن ۽ ٻين اسڪالرشپ پروگرامن جا فائدا حاصل ڪندڙ شاگرد شرڪت ڪندا. تقريب جو مقصد مستحق شاگردن ۽ شاگردياڻين جي مالي سهائتا، سندن تعليمي سفر کي برقرار رکڻ ۽ باصلاحيت نوجوانن کي بااختيار بڻائڻ آهي. ان سلسلي ۾ تياريون شروع ڪيون ويون آھن