محرابپور جي لائين پار واري علائقي لانگڙچي شاخ لڳ محرابپور واسي پورهيت غلام شبير گهانگهرو دانھيو آهي ته محرابپور واسي واپاري ياسين پٽواري آرائین منهنجي پلاٽ تي قبضو ڪرڻ چاھي ٿو،
ھن چيو ته پلاٽ منهنجو آهي ۽ مون حسيب آرائین کان ورتو جنهن جا ڪاغذ پٽ پڻ مون وٽ موجود آهن،
ڪجه ڏينهن اڳ بااثر واپاري ياسين پٽواري آرائین پلاٽ تي پھچي منهنجي پٽ کي پلاٽ خالي ڪرڻ لاءِ داٻا ڌمڪيون ڏئي کيس کنڀي ٿاڻي وڃي غير قانوني ھٿيار جو ڪيس داخل ڪرائي ورتو،
پورھيت غلام شبير چيو ته منهنجو ھڪ ئي پٽ آهي جيڪو عمر ۾ به ننڍو آهي جنهن جي گرفتاري جي صدمي ۾ منهنجي گهر واري ورتل ھئي ته مٿان وري اڄ ڪجه ماڻهو ساڻ ڪري منهنجي غير موجودگيءَ ۾ منهنجي گهر ۾ گهڙي منهنجي گهر واري مسمات حميده کي ھٿيار ڏيکاري داٻا ۽ ڌمڪيون ڏنيون جنهن تي ھو بيھوشي ٿي وئي، جنھن کي بيھوشي حالت ۾ اسپتال کڻي وياسين ته ڊاڪٽر چيو ته ھي فوت ٿي چڪي آهي،
ھن ايس ايس پي نوشهروفيروز کان مطالبو ڪيو آهي ته منهنجي گهر واري جو قتل ڪيس بااثر واپاري مٿان داخل ڪري مون سان انصاف ڪيو وڃي.
