12 ربيع الاول جي موقعي تي عاشقانِ رسول ﷺ جون مختلف ريليون، الله واري چوڪ تي مرڪزي اجتماع

نوشهروفيروز هر سال وانگر هن سال به 12 ربيع الاول جي بابرڪت ڏينهن تي نوشهروفيروز ۾ عيد ميلاد النبي ﷺ جون تقريبون وڏي جوش، عقيدت ۽ احترام سان ملهايون ويون
نوشھروفيروز جي مختلف شهرن جي مان صبح سوير ئي عاشقانِ رسول ﷺ جون ريليون نڪتيون، جن ۾ وڏي انگ ۾ شهرين، مدرسن جي شاگردن ۽ عالمن شرڪت ڪئي مختلف رليون شهر جي مختلف رستن ۽ مکيه بازارن مان گذرنديون الله واري چوڪ تي پهتيون، جتي مرڪزي اجتماع منعقد ڪيو ويو
مرڪزي اجتماع ۾ نعت خواني، درود شريف ۽ عالمن پاران خطاب ڪيا ويا شرڪت ڪندڙن هٿن ۾ جهنڊا ۽ بينر کنيا هئا جڏهن ته ”لبّيڪ يا رسول الله ﷺ“ جا نعرا پڻ بلند ڪيا ويا.
ريليون پرامن نموني پنهنجي منزل ڏانهن روانيون رهيون، جڏهن ته انتظاميا پاران سيڪيورٽي جا سخت انتظام پڻ ڪيا ويا هئا ته جيئن جشن عيد ميلاد النبي ﷺ جون تقريبون پرامن ماحول ۾ منعقد ٿي سگهن.
شهرين چيو ته 12 ربيع الاول جو ڏينهن مسلمانن لاءِ وڏي روحاني ۽ مذهبي اهميت رکي ٿو، جڏهن ته عيد ميلاد النبي ﷺ جون اهڙيون تقريبون عشقِ رسول ﷺ ۽ عقيدت جي اظهار جو ذريعو آهن