ڏيپارجا ۾ سنڌي ادبي سنگت جي دستوري گڏجاڻي، ادبي سرگرمين کي ڀرپور موٽ

سنڌي ادبي سنگت شاخ ڏيپارجا پاران دستوري گڏجاڻي ضلع رابط سيڪريٽري نوشهرو فيروز محترم سائين سيد مختيار علي شاھ مختيار جي صدارت ۾ سنگت شاخ ڏيپارجا جي آفيس ۾ ٿي گذري جنھن ۾ محبتي ملاح غزل . معشوق محسن ابڙو غزل . راجا نديم نعت . آپا زرينا ملاح نثري نظم سعيد شيخ ترنم ۾ پنھنجي ڪافي پيش ڪئي محبتي ملاح . معشوق محسن ابڙو جي غزلن کي ڀرپور موٽ ڏني وئي آپا زرينا ملاح جي نثري نظم کي پڻ ساراھيو ويو ۽ چيو ت ھي نثري نظم ن پر بھترين آزاد نظم آھي سيد مختيار شاھ پنھنجي راء ڏيندي چيو ت سنگت شاخ ڏيپارجا جي جوائينٽ سيڪريٽري ادي زرينا ملاح ھڪ ادب سان گڏ ھڪ سماجي شعوري ذھن پڻ آھي ھر گڏجاڻي م پاڻ شريڪ ٿيندي آھي ۽ پنھنجون سٺيون لکڻيون پيش ڪندي آھي سندس جو اڄوڪو نظم پڻ شاندار جاندار آھي مان ادي زرينا کي سلام ٿو پيش ڪريان جيڪا ھنن سينئر ليکڪن جي وچ ۾ ويھي پنھنجون لکڻيون پيش ڪري ٿي مٿين کان علاوه سيد مختيار علي شاھ مختيار. اڳوڻو ضلع رابط سيڪريٽري سبحان سوز جتوئي . سھيل سولنگي . جانب ملاح . جبار مري . امداد مگسي . استاد بشير مگسي . صحافي مولائي ذولفقار چنا حسن رضا مگسي . پڻ پنھنجا پنھنجا رايا پيش ڪيا نوجوان راڳي عبدالجبار مري سائين مختيار علي شاھ جو غزل ۽ محبتي ملاح جو غزل ترنم ۾ ڳائي خوب داد حاصل ڪيو۔صدارتي راء ڏيندي سيد مختيار علي شاھ مختيار ڪاروائي بوڪ تي لکيو ته سنگت شاخ ڏيپارجا جي سيڪريٽري محبتي ملاح ۽ سندس ساٿين کي مان سلام ٿو پيش ڪريان جيڪي ھن سخت گرمين ۾ ب ادبي سرگرميون جاري و ساري رکيو ٿا اچن ھر دفعي جيان اڄوڪي دستوري گڏجاڻي شاندار رھي جنھن ۾ چوڏنھن ادب دوستن شرڪت ڪئي گڏجاڻي ۾ جن ٻن نوجوان ميمبرن راڳين جيڪي ترنم ۾ غزل ۽ ڪافي ڳائي تن تي موجود ساٿين ڀرپور داد ڏنو ان کان علاوہ معشوق محسن ابڙو ۽ محبتي ملاح جيڪي غزل پيش ڪيا تن ۾ خيال ترنم رڌم رواني موسيقي سان ٽٻٽار ھئا جن کي پڻ دوستن پڻ داد ڏنو ادي زرينا جي نثري نظم جيڪو آزاد نظم ھئو ان کي پڻ ڀرپور موٽ ملي . راجا نديم ملاح ربيع الاول مھيني جي مناسبت سان خوبصورت پنھنجي لکيل نعت پيش ڪئي جنھن تي پڻ دوستن سبحان الله چئي داد ڏنو . سنگت شاخ ڏيپارجا ٿوري وقت ۾ گھڻو ڪم ڪيو آھي مان اميد سان چوان ٿو ت شاخ ڏيپارجا ھڪ ڏينھن سنڌ جي جاکوڙي شاخن مان انڊلٺ جي رنگن جيان اڀري نروار ٿي بيھندي .گڏجاڻي جي شروعات شاھ لطيف جي بيت سان ڪئي ۽ ختم عبدالحڪيم ارشد جي سٽن سان ڪيو ھن گڏجاڻي ۾ 14 ادب دوستن شرڪت ڪئي . سڀني دوستن کي مانجھاندو پڻ ڪرايو ويو۔