نوشهروفيروز (ڊ ر)
عورت جو مڙس ۽ ساهرن تي مبينا تشدد ۽ موتمار ڌمڪين جا الزام، انصاف جي اپيل
نوشهروفيروز جي رهواسڻ عورت اقراءَ راجپوت پريس ڪلب پهچي پريس ڪانفرنس ڪندي پنهنجي مڙس ۽ ساهرن تي مبينا تشدد ۽ هراسان ڪرڻ جا الزام لڳائيندي اعليٰ اختيارين کان انصاف جي اپيل ڪئي آهي. عورت جو چوڻ هو ته سندس شادي کي لڳ ڀڳ 6 سال گذري چڪا آهن ۽ کيس مبينا طور مسلسل تشدد جو نشانو بڻايو ويندو رهيو آهي. اقراءَ راجپوت موجب هوءَ اڄ گهران خالي هٿين عدالت پهتي آهي، جڏهن ته سندس ٻئي ننڍڙا ٻار پڻ ساڻس گڏ آهن. اقراءَ راجپوت الزام لڳائيندي چيو ته کيس جان کان مارڻ جون ڌمڪيون ڏنيون پيون وڃن، جڏهن ته سندس ڀائرن خلاف مختلف بهانا بڻائي مبينا طور ڪوڙا ايف آءِ آر پڻ داخل ڪرايا ويا آهن. عورت پنهنجي مڙس وڪيل احمد راجپوت، سُسر جميل فخرو ۽ ڏيرن احمد رضا ۽ علي رضا جيڪي فلجي اسٽيشن جا رهواسي آهن، تي الزام لڳائيندي لاڳاپيل اختيارين کان مطالبو ڪيو ته معاملي جي شفاف جاچ ڪرائي کيس ۽ سندس ٻارن کي تحفظ فراهم ڪيو وڃي. اقراءَ راجپوت اعليٰ اختيارين کي اپيل ڪئي ته کيس انصاف فراهم ڪيو وڃي ۽ مبينا ڌمڪين ۽ تشدد واري معاملي جو نوٽيس وٺي قانون موجب ڪارروائي ڪئي وڃي.
عورت جو مڙس ۽ ساهرن تي مبينا تشدد ۽ موتمار ڌمڪين جا الزام، انصاف جي اپيل
What’s your Reaction?
+1
+1
+1
+1
+1
Leave a Comment
نئون ديرو: پراڻي تڪرار تان هٿياربندن جي فائرنگ، عدالت ۾ پيشي لاءِ ويندڙ 2 نوجوان قتل
نئون ديرو: (اڱارو: 15 سيپٽمبر 2026ع) ڳڙهي خدابخش ڀٽو ٿاڻي جي حد سم شاخ وٽ پراڻي تڪرار تان هٿياربندن فائرنگ…
ملتان ۾ يتيم ٻار کي گاڏي هيٺان چيڀاٽي قتل ڪندڙ مک جوابدار توقير نذير پوليس مقابلي ۾ مارجي ويو
بهاولپور (ويب ڊيسڪ) ملتان ۾ 15 ورهين جي يتيم ٻار…
