پڊعيدن ڀرسان مڙس فائرنگ ڪري زال کي قتل ڪرڻ کانپوءِ پاڻ مٿان فائر ڪري سخت زخمي ڪري ڇڏيو.
پڊعيدن ڀرسان ڳوٺ درياءَ خان جمرجو راڄپر ۾ مبينا طور مڙس جي فائرنگ ۾ سندس گهرواري مارجي وئي. پوليس موجب، شفيق احمد راڄپر جي فائرنگ جي نتيجي ۾ مسمات نواب زادي ٿڏي تي ئي مارجي وئي، جڏهن ته واقعي کانپوءِ شفيق احمد راڄپر مبينا طور پاڻ تي پڻ فائرنگ ڪري ڇڏي، جنهن جي نتيجي ۾ هو سخت زخمي ٿي پيو.
اهڙي اطلاع ملڻ تي پوليس واقعي واري هنڌ پهچي فوتي عورت جو لاش ۽ زخمي کي اسپتال منتقل ڪري ڇڏيو آهي. واقعي جا سبب معلوم ڪرڻ ۽ وڌيڪ قانوني ڪارروائي بابت جاچ جاري آهي.
What’s your Reaction?
+1
+1
+1
+1
+1
