نوشهروفيروز (رپورٽ عطا حسين)
نوشهروفيروز ۾ آءِ بي اي ٽيسٽ پاس پي ايس ٽي ۽ جي اي ايس ٽي ويٽنگ اميدوارن جو نوڪرين لاءِ احتجاج، انصاف جو مطالبو
 نوشهروفيروز ۾ تعليم کاتي جي آءِ بي اي ٽيسٽ پاس پي ايس ٽي ۽ جي اي ايس ٽي ويٽنگ اميدوارن پاران نوڪريون نه ملڻ خلاف پريس ڪلب آڏو احتجاجي مظاهرو ڪيو ويو. ان موقعي تي نوجوانن انصاف چوڪ کان پريس ڪلب تائين احتجاجي ريلي ڪڍي، جنهن دوران هنن پنهنجي حق ۾ نعريبازي ڪئي. احتجاج ڪندڙ عرفان چوهان، عتيق حيدر سومرو، تحسین شاهه ۽ نعيم جوکيو چيو ته آءِ بي اي ٽيسٽ ۾ 40 مارڪون حاصل ڪندڙ اميدوارن کي به تعليم کاتي ۾ نوڪريون فراهم ڪيون وڃن. هنن چيو ته نوجوان ٽيسٽ پاس ڪرڻ باوجود نوڪرين جي انتظار ۾ آهن، جنهن سبب هو سخت پريشانيءَ جو شڪار آهن. هنن اعليٰ اختيارين کان مطالبو ڪيو ته معاملي جو فوري نوٽيس وٺي ويٽنگ اميدوارن کي جلد کان جلد نوڪريون ڏئي نوجوانن سان انصاف ڪيو وڃي.