مڪو شريف (ويب ڊيسڪ) سعودي عرب جي شهر مڪي ۾ هيروئن سمگلنگ جي ڏوهه ۾ هڪ پاڪستاني شهري کي موت جي سزا ڏني وئي آهي.
سعودي گهرو وزارت موجب، سيڪيورٽي اختيارين جي جاچ کانپوءِ جوابدار خلاف ڪيس لاڳاپيل عدالت ۾ پيش ڪيو ويو.
عدالت ۾ ڏوهه ثابت ٿيڻ تي کيس موت جي سزا ٻڌائي وئي، جنهن تي سپريم ڪورٽ جي منظوري ۽ شاهي فرمان جاري ٿيڻ کانپوءِ عمل ڪيو ويو.
سعودي گهرو وزارت جو چوڻ آهي ته منشيات جي سمگلنگ ۾ ملوث ڏوهارين کي سخت سزائون ڏنيون وينديون.
ٻئي پاسي مڪي کان مديني ويندي پاڪستاني زائرين روڊ حادثي جو شڪار ٿي ويا.
سعودي ميڊيا موجب، حادثي ۾ پيءُ ۽ سندس ٻه پٽ حياتي وڃائي ويٺا.
What’s your Reaction?
+1
+1
+1
+1
+1
