راولپنڊي (ويب ڊيسڪ) پاڪستان ڪرڪيٽ ٽيم جي اڳوڻي ڪپتان ۽ مڊل آرڊر بيٽر سلمان علي آغا سريلنڪا خلاف ٽه ملڪي ون ڊي سيريز جي افتتاحي ميچ ۾ شاندار سينچري اسڪور ڪرڻ کان پوءِ پنهنجي انوکي انداز ۾ جشن ملهائڻ جو سبب ٻڌائي ڇڏيو آهي.
سندس چوڻ آهي ته اهو جشن رڳو سندس پٽ لاءِ هو، جيڪو ٽيليويزن تي ميچ ڏسندي ساڳئي انداز ۾ خوشيءَ جو اظهار ڪندو آهي.
واضح رهي ته آچر ڏينهن کيڏيل ميچ ۾ پاڪستان سريلنڪا کي 37 رنسن تان شڪست ڏني.
پاڪستان پهرين بيٽنگ ڪندي 49.5 اوورن ۾ 305 رنسون ٺاهيون، جن ۾ سلمان علي آغا 90 بالن تي 107 رنسن جي ذميواراڻي اننگز کيڏي.
اها سندس ون ڊي ڪيريئر جي چوٿين سينچري هئي. جواب ۾ سريلنڪا جي پوري ٽيم 48.1 اوورن ۾ 268 رنسون ٺاهي آئوٽ ٿي وئي.
What’s your Reaction?
+1
+1
+1
+1
+1
