پنجاب جي شهر شيخوپورا جي ڳوٺ ٺٺه علي ۾ کير پياڪ نياڻي حوالي ڪرڻ واري معاملي تان جهيڙي دوران هڪ جوابدار فائرنگ ڪري ڏني، جنهن جي نتيجي ۾ 3 عورتون مارجي ويون.
پوليس موجب، مارجي ويل عورتن ۾ جوابدار جي سس، سالِي ۽ سالَي جي زال شامل آهن. واردات کان پوءِ جوابدار فرار ٿي ويو، جنهن جي گرفتاريءَ لاءِ مختلف هنڌن تي ڇاپا هنيا پيا وڃن.
پوليس جو چوڻ آهي ته ٽنهي عورتن جا لاش پوسٽ مارٽم لاءِ ضلعي هيڊڪوارٽر اسپتال منتقل ڪيا ويا آهن.
ٻئي پاسي، پنجاب جي آءِ جي عبدالڪريم ٽن عورتن جي قتل واري واقعي جو نوٽيس وٺندي آر پي او شيخوپورا کان رپورٽ طلب ڪري ورتي آهي. هن جوابدار جي گرفتاريءَ لاءِ سمورا وسيلا ڪتب آڻڻ جي پڻ هدايت ڪئي آهي.
What’s your Reaction?
+1
+1
+1
+1
+1
