وادي نيلم ۾ نگدر گهوڙي نڪا ڀرسان گاڏي نيلم نديءَ ۾ ڪري پئي، جنهن جي نتيجي ۾ 4 ٻار فوت ٿي ويا، جڏهن ته 3 ٻارن سميت 4 ڄڻا زخمي ٿي پيا. زخمين ۾ گاڏيءَ جو ڊرائيور به شامل آهي.
پوليس موجب، گاڏيءَ ۾ سوار ٻار اسڪول وڃي رهيا هئا ته رستي ۾ حادثو پيش آيو. واقعي جي اطلاع ملندي ئي بچاءَ وارا اهلڪار پهچي ويا، جن نديءَ مان فوت ٿيلن جا لاش ڪڍي مقامي اسپتال پهچايا، جڏهن ته زخمين کي پڻ اسپتال منتقل ڪيو ويو.
بچاءَ وارن عملدارن موجب، فوت ٿيلن ۾ 3 سڳا ڀائر به شامل آهن. حادثي جو شڪار ٿيندڙ سمورن ماڻهن جو واسطو هڪ ئي ڪٽنب سان آهي.
What’s your Reaction?
+1
+1
+1
+1
+1
