بدين ۾ پوليو کان بچاءَ واري قومي مهم جي ريڊينيس بابت گڏجاڻي

بدين( ڊر محفوظ شاه )بدين ۾ پوليو کان بچاءَ واري قومي مهم جي ريڊينيس بابت گڏجاڻي
بدين  2 نومبر کان شروع ٿيندڙ پوليو کان بچاءَ واري قومي مهم جي تيارين بابت اهم گڏجاڻي ڊپٽي ڪمشنر بدين زارا زاھد جي صدارت هيٺ دربار ھال ۾ منعقد ڪئي وئي گڏجاڻي کي خطاب ڪندي ڊپٽي ڪمشنر بدين زارا زاھد چيو ته 2 نومبر کان شروع ٿيندڙ پوليو کان بچاءَ واري قومي مهم لاءِ ضلعي ۾ سمورا انتظام مڪمل ڪيا ويا آهن، جڏهن ته مهم دوران هر ٻار تائين پوليو کان بچاءَ جا ڦڙا پهچائڻ لاءِ سمورا وسيلا استعمال ڪيا وڃن هن چيو ته پوليو مهم جي ڪاميابي جو دارومدار بهترين، جامع ۽ زميني حقيقتن مطابق تيار ڪيل مائيڪرو پلان تي آهي، تنهن ڪري ڪنهن به صورت ۾ مائيڪرو پلان فيل نه ٿيڻ گهرجي. هن لاڳاپيل آفيسرن کي هدايت ڪئي ته مائيڪرو پلان ۾ هر علائقي، آبادي ۽ ٻار جي درست نشاندهي کي يقيني بڻايو وڃي ۽ مهم دوران ڪنهن به قسم جي کوٽ يا غلطي جي گنجائش نه ڇڏي وڃي ڊپٽي ڪمشنر چيو ته گذريل ڪافي مهينن کان بدين شهر جا ماحولياتي سيمپل مسلسل نيگيٽو اچي رهيا آهن، جيڪو ضلعي انتظاميا، صحت کاتي، پوليو ٽيمن ۽ ٻين لاڳاپيل ادارن جي گڏيل ٽيم ورڪ جو نتيجو آهي. هن چيو ته پوليو جي خاتمي لاءِ جاري ڪوششن کي وڌيڪ منظم ۽ اثرائتو بڻائڻ جي ضرورت آهي هن چيو ته گڏجاڻي جو مقصد پوليو مهم دوران سامهون ايندڙ مسئلن جي نشاندهي ڪري انهن جو بروقت حل يقيني بڻائڻ آهي. هن خاص طور تي ريفيوزل ڪيسن تي وڌيڪ فوڪس ڪرڻ جي هدايت ڪندي چيو ته جن خاندانن پاران ٻارڙن کي پوليو جا ڦڙا پيارڻ کان انڪار ڪيو وڃي ٿو انهن سان رابطي آگاهي ۽ مؤثر ڪائونسلنگ ذريعي ريفيوزل ڪيسن کي ختم ڪيو وڃي هن چيو ته پوليو مهم دوران جيڪڏهن ڪنهن ٽيم کي ڪنهن به قسم جو مسئلو پيش اچي ته ان جي شڪايت بروقت لاڳاپيل اختيارين تائين پهچائي وڃي، جيئن مسئلو فوري طور حل ڪري سگهجي هن لاڳاپيل آفيسرن کي هدايت ڪئي ته پوليو مهم دوران ٽيمون مقرر ڪيل مائيڪرو پلان مطابق گهر گهر وڃي پنجن سالن کان گهٽ عمر جي هر ٻار کي پوليو کان بچاءَ جا ڦڙا پيارين ۽ رهجي ويل ٻارڙن کي فوري طور تي ڦڙا پيارا وڃن گڏجاڻي ۾ پوليو مهم جي مائيڪرو پلان، ٽيمون، ريفيوزل ڪيس، ماحولياتي سيمپل، خانگي اسڪولن سان سهڪار، لاجسٽڪ انتظامن ۽ مهم دوران پيش ايندڙ مسئلن جي بروقت حل بابت تفصيلي جائزو ورتو ويو  گڏجاڻي ۾ ايس ايس پي بدين قمر رضا جسڪاڻي، ايڊيشنل ڊپٽي ڪمشنر ون ڪاشف رضا منگي ۽ ٻين لاڳاپيل آفيسرن پڻ شرڪت ڪئي