حيدرآباد (محبوب حسین بوزدار بیوروسندھ ) حيدرآباد گلاس بينگل مينوفيڪچررز ايسوسيئيشن جي صدر حاجي سليم خان جي سربراهيءَ ۾ وفد حيدرآباد چيمبر آف اسمال ٽريڊرز اينڊ اسمال انڊسٽري جي سيڪريٽريٽ جو دورو ڪيو ۽ چيمبر جي نئين چونڊيل صدر نديم احمد صديقي، سينيئر نائب صدر محمد فهد ميان، نائب صدر عرفان عاربياني ۽ ٻين عهديدارن کي مبارڪباد پيش ڪئي. وفد ۾ جنرل سيڪريٽري سهيل بابر قريشي سميت ٻيا نمائندا پڻ شامل هئا. ملاقات دوران حاجي سليم خان چيو ته گلاس بينگل يعني چوڙيون ٺاهڻ واري صنعت حيدرآباد جي اهم ترين صنعتن مان هڪ آهي ۽ ان کي برقرار رکڻ لاءِ گئس لوڊشيڊنگ ۽ گهٽ پريشر جهڙن مسئلن جو فوري حل ضروري آهي. هن ٻڌايو ته گئس جي عدم دستيابي سبب پيداواري عمل متاثر ٿي رهيو آهي، جڏهن ته متبادل ٻارڻ ايل پي جي پڻ مقرر ڪيل سرڪاري اگهه تي دستياب ناهي. سندس چوڻ موجب ايل پي جي جو سرڪاري اگهه 294 رپيا في ڪلو ٻڌايو وڃي ٿو، پر مارڪيٽ ۾ اها لڳ ڀڳ 560 رپيا في ڪلو جي اگهه تي به مشڪل سان ملي رهي آهي. هن چيمبر جي صدر کي درخواست ڪئي ته اهي مسئلا لاڳاپيل اختيارين آڏو اثرائتي نموني اٿاريا وڃن ۽ يقين ڏياريو ته ايسوسيئيشن ان سلسلي ۾ چيمبر جي موقف جي هر سطح تي حمايت ڪندي. ان موقعي تي چيمبر جي صدر نديم احمد صديقي چيو ته حڪومت هر سال ٽيڪس وصولي جا هدف وڌائي رهي آهي، پر صنعتن کي گهربل بنيادي سهولتون فراهم ڪرڻ ۾ ناڪامي سبب ڪاروباري سرگرميون متاثر ٿي رهيون آهن. هن چيو ته حيدرآباد جي چوڙين ٺاهڻ واري صنعت سان ٻن لکن کان وڌيڪ ماڻهن جو روزگار وابسته آهي، تنهنڪري هن صنعت کي درپيش مسئلن کي نظرانداز ڪرڻ سان لکين ماڻهن جي معاشي مستقبل تي اثر پئجي سگهي ٿو. چيمبر جي صدر چيو ته گئس لوڊشيڊنگ، گهٽ پريشر ۽ مهانگي متبادل ٻارڻ سبب چوڙين ٺاهڻ واري صنعت سخت مشڪلاتن کي منهن ڏئي رهي آهي. چيمبر لاڳاپيل حڪومتي ادارن ۽ فورمن تي صنعت جا مسئلا اٿارڻ لاءِ ايسوسيئيشن سان گڏجي ڪم ڪندو. هن عزم جو اظهار ڪيو ته حيدرآباد جي هن اهم صنعت ۽ ان سان لاڳاپيل لکين ماڻهن جي روزگار جي تحفظ لاءِ ڀرپور ڪوششون ڪيون وينديون. ٻئي طرف حيدرآباد ڪنفيڪشنري ڊسٽريبيوشن جي صدر جاويد حسين قريشي جي سربراهيءَ ۾ هڪ ٻئي وفد پڻ چيمبر سيڪريٽريٽ جو دورو ڪيو ۽ نون چونڊيل عهديدارن کي مبارڪباد پيش ڪئي. وفد ۾ خواجه امجد ڪاڪا ۽ احمد علي پڻ شامل هئا. ملاقات دوران واپاري برادري جي مسئلن ۽ چيمبر سان باهمي سهڪار جي معاملن تي خيالن جي ڏي وٺ ڪئي وئي.
گئس لوڊشيڊنگ ۽ گهٽ پريشر سبب حيدرآباد جي چوڙين ٺاهڻ واري صنعت سان لاڳاپيل ٻن لکن کان وڌيڪ ماڻهن جو روزگار خطري ۾ آهي، صدر حيدرآباد چيمبر نديم احمد صديقي
Leave a Comment
نئون ديرو: پراڻي تڪرار تان هٿياربندن جي فائرنگ، عدالت ۾ پيشي لاءِ ويندڙ 2 نوجوان قتل
نئون ديرو: (اڱارو: 15 سيپٽمبر 2026ع) ڳڙهي خدابخش ڀٽو ٿاڻي جي حد سم شاخ وٽ پراڻي تڪرار تان هٿياربندن فائرنگ…
لاڙڪاڻي ۾ پ ٽ الف ضلعي طرفان ڪراچي ۾ سنڌ جي پرائمري استادن پاران پنهنجي جائز مطالبن جي مڃتا لاءِ نڪتل پرامن ريلي
لاڙڪاڻو(بيورو رپورٽ) لاڙڪاڻي ۾ پ ٽ الف ضلعي طرفان ڪراچي…
