برطانيا ۾ سِک برادري جو ڀارت خلاف، بنگلاديش جي حمايت ۾ مظاهرو

برطانيا ۾ سِک برادري بنگلاديشي حڪومت جي حمايت ۾ مظاهرو ڪيو آهي۔

ميڊيا رپورٽن موجب لنڊن ۾ سِک برادري بنگلاديشي هاءِ ڪميشن جي ٻاهران گڏ ٿي ڀارت خلاف احتجاجي مظاهرو ڪيو۔

مظاهرين جو چوڻ هو ته نوجوان شاگرد اڳواڻ عثمان هادي جو قتل انقلاب جو سبب بڻجندو ۽ ڀارت ٽُڪرن ۾ ورهائجي ٽُٽي پوندو۔

مظاهرين الزام هنيو ته مودي حڪومت دنيا آڏو ڀارت جو اصل چهرو ظاهر ڪندڙن جي قتل ۾ ملوث آهي۔

ياد رهي ته ڪجهه ڏينهن اڳ بنگلاديش ۾ حسينه واجد حڪومت جو تختو اونڌو ڪرڻ ۾ اهم ڪردار ادا ڪندڙ شاگرد تحريڪ جي ترجمان عثمان هادي کي نامعلوم هٿياربندن فائرنگ ڪري زخمي ڪيو هو، جنهن کان پوءِ هو ڪجهه ڏينهن سنگاپور ۾ علاج هيٺ رهيو ۽ پوءِ لاڏاڻو ڪري ويو۔

عثمان هادي جي وفات کان پوءِ بنگلاديش ۾ پڻ ڀارتي هاءِ ڪميشن جي ٻاهران هزارين ماڻهن احتجاجي مظاهرو ڪيو هو۔