افغان طالبان جي انٽيليجنس اداري جي سربراهه عبدالحق واثق جو هڪ معاون ڪابل ۾ پيش آيل ڌماڪي ۾ مارجي ويو آهي۔
افغان ميڊيا مقامي ذريعن جو حوالو ڏيندي ٻڌايو آهي ته هلاک ٿيندڙ شخص جي سڃاڻپ مولوي نعمان جي نالي سان ٿي آهي۔
رپورٽن موجب اهو واقعو جمعي جي ڏينهن ڪابل جي علائقي بوٽخاڪ ۾ مولوي نعمان جي گهر اندر پيش آيو، جنهن جي نتيجي ۾ مولوي نعمان موقعي تي ئي فوت ٿي ويو جڏهن ته سندس پٽ زخمي ٿي پيو۔
افغان ميڊيا جو چوڻ آهي ته طالبان اختيارين واقعي بابت اڃا تائين ڪا به باضابطه وضاحت جاري ناهي ڪئي ۽ نه ئي ڌماڪي جي سبب بابت ڪا واضح ڄاڻ ڏني وئي آهي، جڏهن ته شڪ ظاهر ڪيو پيو وڃي ته ڌماڪو گئس سلنڊر ۾ لڳل بارودي مواد ڦاٽڻ سبب ٿيو۔
What’s your Reaction?
+1
+1
+1
+1
+1
