اڪشے کھنہ فلم ’ڌريندر‘ ۾ ڪم ڪرڻ کان انڪار ڪيو هو: ڊائريڪٽر جو انڪشاف

بالي ووڊ فلم ’ڌريندر‘ جي ڊائريڪٽر مڪيش ڇابڙا انڪشاف ڪيو آهي ته شروعات ۾ اداڪار اڪشے کھنہ هن فلم ۾ ڪم ڪرڻ کان انڪار ڪري ڇڏيو هو۔

ڀارتي ميڊيا موجب، ڪاسٽنگ ڊائريڪٽر مڪيش ڇابڙا تازو هڪ انٽرويو ڏنو، جنهن دوران هن فلم بابت تفصيل سان ڳالهه ٻولهه ڪئي۔

مڪيش ڇابڙا ٻڌايو ته جڏهن پهريون ڀيرو اڪشے کھنہ کي فلم جي آفر ڏيڻ لاءِ فون ڪيو ويو ته اداڪار جو ردعمل همٿ افزا نه هو، ۽ اڪشے شروعاتي طور فلم ۾ ڪم ڪرڻ کان صاف انڪار ڪري ڇڏيو هو۔

ڊائريڪٽر وڌيڪ ٻڌايو ته فلم جي آفر ٻڌڻ کان پوءِ اداڪار جو پهريون جملو هو: ”ڇا تون پاگل ٿي ويو آهين؟“، جنهن کان پوءِ ساڻس ويهي تفصيلي ڳالهه ٻولهه ڪئي وئي، ۽ پوءِ اداڪار فلم ۾ ڪم ڪرڻ لاءِ راضي ٿي ويو۔

واضح رهي ته هي فلم پاڪستان جي علائقي لياري ۾ ٿيندڙ گينگ وار تي ٻڌل آهي، جنهن ۾ اڪشے کھنہ رحمان ڊڪيت جو ڪردار ادا ڪيو هو۔