پاڪستان جي مشهور ميزبان ۽ اداڪاره ناديا خان سينئر اداڪار بهروز سبزواڙي کي عورتن جي لباس تي تبصري تي طنز جو نشانو بڻايو آهي.
تازوئي هڪ نجي شو ۾ ڳالهائيندي، ناديا خان بهروز سبزواڙي جي ماضي ۾ ڏنل بيان تي تبصرو ڪيو.
شو ۾ موجود عتيقه اوڊھو هڪ ڊرامي ۾ اداڪاره صبا قمر جي ڪردار ۽ انهن جي لباس جي تعريف ڪندي، ناديا جي لباس جي پڻ تعريف ڪئي ۽ چيو ته لباس ٿورو وڌيڪ تنگ هجڻ گهرجي.
عتيقه جي ڳالهه تي ناديا چيو: “نه، اهو تنگ لباس بهروز سبزواڙي کي پسند نه آهي، تنهنڪري خيال رکڻو پوي ٿو، هو سخت منع ڪندا آهن ته تنگ ڪپڙا نه هجڻ گهرجن، تنهنڪري مون خيال رکيو ته ڪو ناراض نه ٿئي.”
واضح رهي ته ڪجهه عرصو اڳ هڪ انٽرويو ۾ بهروز سبزواڙي چيو هو ته عورتون جيڪي تنگ ڪپڙا پائين ٿيون، اهي تمام ناگوار لڳن ٿا.
هن چيو هو: “ظاهري ڳالهه آهي، هر ڪنهن وٽ گاڏيون نه هونديون، ڪجهه عورتون موٽرسائيڪلن تي اهڙو لباس پائي ويٺيون آهن جيڪو مناسب ناهي، اهو سڀ گهر جي تربيت جو نتيجو آهي.”
