ڊي جي آءِ ايس پي آر ليفٽيننٽ جنرل احمد شريف چوڌري چيو آهي ته دهشتگردي خلاف جنگ ۾ سياسي جماعتن ۽ سيڪيورٽي فورسز جو هڪ ئي بيانيو آهي، دهشتگردي خلاف جنگ جي بيانيي تان ڪو به اسان کي ٽس کان مس نٿو ڪري سگهي.
جي ايڇ ڪيو ۾ پريس ڪانفرنس ڪندي ڊي جي آءِ ايس پي آر چيو ته هن سال پيغامِ پاڪستان جو ٻيهر اعادو ڪيو ويو، جنهن بابت علمن ۽ مشائخ کي به واضع پيغام ڏنو ويو. ٻي وضاحت هندستان ۽ فتنه الخوارج جي نيٽ ورڪ بابت سامهون آئي. دهشتگردي خلاف جنگ ۾ سياسي جماعتون ۽ سيڪيورٽي فورسز هڪ ئي بيانيو رکن ٿيون، ۽ ان بيانئي تان ڪو به اسان کي هٽائي نٿو سگهي.
هن چيو ته افغان طالبان، خوارج ۽ هندستان جو ڳٺ جوڙ 2025ع ۾ کلي طرح سامهون اچي ويو آهي، جڏهن ته هن سال ڪجهه وڌيڪ بارڪ سازشن به سامهون آيون آهن. ڀارتي ٽي وي تي ويهي هڪ شخص چوي ٿو ته هن ڀيري افغانستان ۽ ڀارت گڏجي پاڪستان تي حملو ڪندا. افغانستان ۽ هندستان اچي وڃن، سندن شوق پورو ڪري ڇڏينداسين.
ڊي جي آءِ ايس پي آر وڌيڪ چيو ته دهشتگردن سان جهڙپن دوران طالبان جو نالي ماتر پرڏيهي وزير ڪٿي هو؟ سندن اسلام اهو ٿو سيکاري ته هندستانين جي پيرن ۾ وڃي ويهو؟ افغانستان ۾ ڪا حڪومت ناهي، رڳو هڪ ننڍڙو گروهه زبردستي قابض آهي.
ترجمان پاڪ فوج چيو ته اسان ڪافي عرصي کان چوندا پيا اچون ته افغانستان دهشتگردي جو ڳڙهه بڻجي ويو آهي، هاڻي دنيا به اهوئي چئي رهي آهي. هاڻي ته ايران، آذربائيجان ۽ تاجڪستان به چئي رهيا آهن ته افغانستان مان دهشتگرد حملا ٿي رهيا آهن. گڏيل قومن جي رپورٽ موجب افغانستان ۾ 20 بين الاقوامي دهشتگرد تنظيمون سرگرم آهن.
هن چيو ته سڄي قوم ۽ سيڪيورٽي فورسز دهشتگردي خلاف جنگ ۾ قربانيون ڏئي رهيون آهن، ۽ جيڪڏهن ڪنهن صوبي جي حڪومت چوي ٿي ته اسان اتي آپريشن ٿيڻ نه ڏينداسين، ته ڇا اهي چاهين ٿا ته جيئن سوات ۾ دهشتگردن هزارين ماڻهن کي شهيد ڪيو هو، اهڙو ئي ماحول ٻيهر پيدا ٿئي؟
ڊي جي آءِ ايس پي آر چيو ته هن ڀيري اهڙن ماڻهن جو بيانيو به کلي طرح سامهون اچي ويو آهي. انهن وٽ ساڳيو پراڻو سياسي بيانيو آهي، جيڪڏهن انهن کان ٻه ٽي سوال ڪجن ته وٽن ڪو به جواب ناهي. اهي فتنه الخوارج جا منظور نظر بڻجڻ چاهين ٿا.
ترجمان پاڪ فوج چيو ته ڪي پي جو وزيراعليٰ چوي ٿو ته افغانستان اسان جي مدد ڪري، ۽ اهو به چوي ٿو ته ڪابل اسان جي سيڪيورٽي جي ضمانت ڏئي. هي ڪهڙي تسڪين واري پاليسي آهي جو توهان افغانستان کان مدد گهرندا آهيو؟ ڪي پي جو وزيراعليٰ مضحکہ خيز ڳالهيون ڪري رهيو آهي. ڪي پي جي وزيراعليٰ جو بيانيو کلي طرح سامهون اچي ويو آهي: جيڪڏهن فوجي آپريشن نٿو ڪرڻو ته ڇا خوارج جي پيرن ۾ ويهڻو آهي؟ ڇا خارجي نور ولي محسوس کي صوبي جو وزيراعليٰ بڻايو وڃي؟ ڇا ان سان بيعت ڪئي وڃي؟ ڇا هبت الله فيصلو ڪندو ته چارسده ۾ ڇا ٿيندو
