وینزویلا ۽ ڪيوبا آمريڪي حملن ۾ هلاک ٿيل 55 فوجي اهلڪارن جا نالا جاري ڪري ڇڏيا آهن.
غير ملڪي ميڊيا موجب، ڪيوبا ۽ وینزویلا گذريل هفتي آمريڪي حملن ۾ ٿيل جاني نقصان جي تفصيلات جاري ڪيون آهن.
ميڊيا رپورٽن مطابق، ڪيوبا حڪومت 32 اهلڪارن جا نالا جاري ڪيا آهن، جيڪي ڪراڪس ۾ فوجي ڪارروائي دوران مارجي ويا، جڏهن ته وینزویلا فوج به 23 اهلڪارن جي فهرست شايع ڪئي آهي.
ڪيوبا: ڊيبيٽ ۾ شايع ٿيل انگ اکر موجب، 21 اهلڪار وزارت داخله جا هئا، جن ۾ 3 اعليٰ آفيسر (ٻه ڪرنل ۽ هڪ ليٽيننٽ ڪرنل) شامل هئا، باقي انقلاب پسند مسلح فوج جا رڪن هئا، جن ۾ گهڻا فوجي هئا.
وینزویلا: فوج 23 اهلڪارن جي موت جا نوٽيس جاري ڪيا، جن ۾ 5 اڊمرل، مختلف رينڪ وارا 16 سارجنٽس ۽ 2 فوجي شامل آهن.
امريڪي اخبار موجب، آمريڪي اختيارين جو اندازو آهي ته وینزویلا ۾ فوجي ڪارروائي دوران تقريباً 75 ماڻهو هلاک ٿيا، ۽ موتون ڪراڪس ۾ مادورو جي ڪمپائونڊ تي سخت فائرنگ ۽ وڙهه دوران ٿيون.
واضح رهي ته آمريڪا گذريل هفتي وینزویلا تي حملو ڪيو، ۽ آمريڪي ڊيلٽا فورس وینزویلا جي صدر مادورو ۽ سندس زال کي صدارتي محل مان کڻي آئي.
آمريڪي صدر ٽرمپ جو چوڻ آهي ته مادورو ۽ سندس زال کي بيڊ روم مان پڪڙيو ويو ۽ نيويارڪ آندو ويو، جتي انهن جي خلاف منشيات ۽ دهشتگردي جا الزام هيٺ ڪيس هلندو.
