آمريڪي رياست ميساچوسٽس جي شهر ڪيمبرج ۾ پهريون ڀيرو ميئر ۽ ڊپٽي ميئر جي چونڊ ۾ ٻنهي عهدي تي پاڪستاني نوجوان منتخب ٿيا.
5 جنوري تي ٿيندڙ چونڊ ۾، ڪراچي جي سنبل صديقي سال 2026 لاءِ ٽئين ڀيرو ڪيمبرج سٽي جي ميئر ۽ بورے والا جي برهان عظيم ڪيمبرج سٽي جي سڀ کان ننڍڙي ڊپٽي ميئر طور منتخب ٿيا.
ڪراچي سان تعلق رکندڙ سنبل صديقي وڪيل آهن ۽ آمريڪا ۾ سياسي ميدان ۾ پڻ سرگرم آهن.
سنبل صديقي پهريون ڀيرو سال 2017 ۾ ڪيمبرج ڪائونسل لاءِ منتخب ٿيون، ۽ سال 2020 کان 2024 تائين ٻه ڀيرا ڪيمبرج جي ميئر رهيون.
ميساچوسٽس جي تاريخ ۾ سنبل صديقي ڪيمبرج جي پهرين مسلمان ميئر ۽ ايشيائي عورت آهن، جيڪي مسلسل ٽئين ڀيرو ميئر طور منتخب ٿيون آهن.
ٻئي طرف پنجاب جي شهر بورے والا سان تعلق رکندڙ پروفيسر منير چوهدري جو پٽ برهان عظيم ايم آءِ ٽي يونيورسٽي بوسٽن مان انجنيئر آهي.
برهان عظيم اڳ ۾ ڪيمبرج سٽي جي تاريخ ۾ سڀ کان ننڍڙو ڪائونسلر طور منتخب ٿي چڪو آهي ۽ ٻي ڀيرو ڪائونسلر چونڊجي سڀ کان ننڍڙو ڊپٽي ميئر پڻ بڻجي ويو آهي.
