نئين اسلام آباد ايئرپورٽ سميت حيدرآباد اليڪٽرڪ سپلاءِ ڪمپني ۽ سکر اليڪٽرڪ سپلاءِ ڪمپني جي نجڪاري جو فيصلو ڪيو ويو آهي۔
وزيراعظم جي نجڪاري بابت صلاحڪار محمد علي جي صدارت هيٺ نجڪاري ڪميشن بورڊ جو اجلاس ٿيو، جنهن ۾ بورڊ حيدرآباد اليڪٽرڪ سپلاءِ ڪمپني ۽ سکر اليڪٽرڪ سپلاءِ ڪمپني جي نجڪاري لاءِ ٽرانزيڪشن ڪميٽي قائم ڪري ڇڏي۔
بورڊ هائوس بلڊنگ فنانس ڪمپني جي نجڪاري جو موجوده عمل ختم ڪرڻ جي سفارش ڪئي، جڏهن ته ان جي 51 سيڪڙو شيئرن جي نيلامي ٻيهر شروع ڪرڻ جو فيصلو ڪيو ويو۔
اهڙي طرح پاڪستان مورگيچ ريفائنانس ڪمپني لاءِ 4.2 ارب رپين جي بولي رد ڪئي وئي، ڇو ته هن ڪمپني جي ريفرنس قيمت 13 ارب 55 ڪروڙ رپيا هئي۔
نجڪاري بورڊ اسلام آباد انٽرنيشنل ايئرپورٽ کي نجڪاري پروگرام ۾ شامل ڪرڻ جي سفارش ڪئي، جنهن تي بورڊ نئين اسلام آباد ايئرپورٽ لاءِ ڪنسيشن ماڊل اختيار ڪرڻ جو فيصلو ڪيو آهي، جڏهن ته ايئرپورٽ جي نجڪاري ۾ گورنمينٽ ٽو گورنمينٽ ماڊل کي رد ڪري کليل بولي جو طريقو اختيار ڪرڻ جو فيصلو ڪيو ويو آهي۔
