ڪراچي جي صدر موبائل مارڪيٽ ۾ لڳل باهه تي قابو پاليو ويو.
فائر بريگيڊ جي اهلڪارن موجب، باهه النجیبی مارڪيٽ ۾ لڳي هئي، جنهن تي قابو پائڻ لاءِ فائر بريگيڊ جون ڪيترائي گاڏيون موڪليون ويون هيون.
ريسڪيُو اهلڪارن موجب، عمارت مان سڀني ماڻهن کي ٻاهر ڪڍي ڇڏيو ويو، جڏهن ته ريسڪيُو 1122 موجب عمارت ۾ ڦاٿل ماڻهن کي ڪڍڻ لاءِ اسنارڪل پڻ طلب ڪئي وئي هئي.
ريسڪيُو 1122 موجب، باهه عمارت جي ستين منزل تي لڳي هئي جتي گاڏيون پارڪ ٿيل هيون؛ باهه هڪ گاڏي ۾ لڳي جنهن ويجھو بيٺل ٻه گاڏيون پڻ باهه جي لپيٽ ۾ اچي ويون.
ريسڪيُو اهلڪارن ٻڌايو ته ڌوئيءَ سبب هڪ شخص بيهوش ٿي ويو، جنهن کي اسپتال منتقل ڪيو ويو.
ٻئي پاسي، سنڌ جي وزيراعليٰ مراد علي شاهه النجیبی بلڊنگ ۾ باهه تي قابو پائڻ لاءِ ريسڪيُو ورڪرز کي شاباشي ڏني ۽ چيو ته حادثن ۽ واقعن ۾ زندگي ۽ ملڪيت جي حفاظت لاءِ جانفشاني سان ڪم ڪيو وڃي.
هن چيو ته اهڙن واقعن ۽ حادثن جي اطلاع تي ڪراوڊ مينيجمينٽ کي وڌيڪ بهتر بڻايو وڃي ۽ مستقبل ۾ ممڪن حادثن کان بچڻ لاءِ اطراف واري رستن تي ٽريفڪ جي رواني کي يقيني بڻايو وڃي.
