جماعت اسلامي پاڪستان جي نائب امير لياقت بلوچ سان اپوزيشن اڳواڻن محمود خان اچڪزئي ۽ اڳوڻي قومي اسيمبلي جي اسپيڪر اسد قيصر جو ٽيليفون تي رابطو ٿيو آهي.
اڳواڻن جي وچ ۾ ملڪي ۽ خطي ۾ موجوده سياسي، سيڪيورٽي صورتحال تي تفصيلي ڳالهيون ڪيون ويون. جماعت اسلامي جي نائب امير لياقت بلوچ جو چوڻ هو ته پاڪستان جي تحفظ ۽ سلامتي لاءِ سموري قوم متحد آهي، سياسي بحرانن جي حل لاءِ قومي قيادت کي اهم ڪردار ادا ڪرڻ گهرجي.
هن بلوچستان جي موجوده صورتحال کي ڳڻتي جوڳو قرار ڏيندي چيو ته صوبي جي مسئلن جو حل قومي اتفاق راءِ سان ڳوليو وڃي. افغانستان ۾ طالبان قيادت عوامي امنگن موجب ڪم ڪري ۽ پاڪستان،ايران سان معاملا بهتر بنائي. لياقت بلوچ وڌيڪ چيو ته آمريڪا ۽ اسرائيل کي ايراني محاذ تي ٽيون ڀيرو شڪست کي منهن ڏيڻو پيو آهي.
هن اعلان ڪيو ته جماعت اسلامي بلوچستان قيادت اسلام آباد، لاهور ۽ ڪراچي ۾ جرگه پروگرام منعقد ڪندي ته جيئن صوبي جي مسئلن جي حل لاءِ جامع حڪمت عملي تيار ڪري سگهجي.
