اطلاعات کاتو حڪومت سنڌ، بدين تاريخ 25 مارچ 2026عهينڊ آئوٽ

بدين  ريجنل ڊائريڪٽر صوبائي محتسب اعليٰ سنڌ، بدين عبدالوهاب ميمڻ ڳوٺاڻن جي شڪايت تي ڳوٺ سونو خان سيال پهچي گورنمينٽ پرائمري اسڪول جي مرمتي ڪم جو جائزو ورتو ان موقعي تي ايگزيڪيوٽو انجنيئر ايجوڪيشن ورڪس اسد منڌرو ۽ اسسٽنٽ انجنيئر مختيار جوڻيجو پڻ موجود هئا ريجنل ڊائريڪٽر عبدالوهاب ميمڻ ٻڌايو ته اسڪول ۾ مرمتي ڪم رهيل هو، جيڪو ايجوڪيشن ورڪس کي فنڊ جاري ٿيڻ بعد مڪمل ڪيو ويو آهي۔ هن وڌيڪ چيو ته اڄ اسڪول جي هينڊنگ ٽيڪنگ جو مرحلو به ڪاميابي سان مڪمل ڪيو ويو آهي، جنهن سان شاگردن کي بهتر تعليمي ماحول فراهم ٿيندو هن زور ڏنو ته تعليم جي شعبي ۾ بهتري لاءِ صوبائي محتسب اعليٰ بدين پنهنجي ڪوششن کي جاري رکندو۔ هن شهرين کي اپيل ڪئي ته جيڪڏهن کين تعليم کاتي سان لاڳاپيل ڪا به شڪايت هجي ته هو محتسب اعليٰ بدين جي آفيس سان رابطو ڪن يا آن لائن پنهنجي شڪايت داخل ڪرائين، جيئن انهن جا مسئلا جلد حل ڪري سگهجن۔